Geasa WAFA meahccejohttiid vuosttasveahkkegursa lea ávkkálaš ja manne?

12. – 15.6.2025 Ohcejogas

WAFA dahje Wilderness Advanced First Aid -vuosttaveahkegursa meahccejohttiide lea plánejuvvon sidjiide geat johtet, barget dahje buđaldit luonddus gos leat guhkes gaska vuosttas divššu ja gádjunbálvalusaid ollái.

Gursa heive erenomážit:

– Meahcceofelaččaide, luonddu – ja fearánmátkeealáhusfitnodatolbmuide, geain lea ovddasvástádus áššehasaid dorvvolašvuođas ássanguovllu olggobealde.

– Meahcis barggu dihte johtti olbmuide, omd.

– Vánddardeaddjiide ja olgolihkadanjohttiide geat johtet meahcis dahje eará ravddamus guovlluin.

– Iskárjođiheaddjiide ja nuoraidbargiide, geat jođihit tuvrraid ja leairraid luonddus.

– Eaktodáhtolaččaide ja ámmátolbmuide geat barget meahcis ovdamearkka dihte gádjunbálvalusas.

– Olgo- ja fearánjođiheaddjiide ja earáide, geat jođihit doaimmaid luonddus.

– Daidda, geat mátkkoštit báikkiin gos dearvvasvuođabálvalusat leat guhkkin.

Gursa fállá čiekŋalut máhtu go árbevirolaš vuosttasveahkkegursa. Gurssas deattuhuvvo, mo galgá doaibmat dilálašvuođain, main veahkki ii leat dalán oažžumis ja dikšunbiergasat leat vánis. Oasseváldit ohppet árvvoštallat dilálašvuođa, addit guhkes áiggi vuosttasveahki ja mearridit goas ja mo pasieanta galgá evakuerejuvvot – dáidduid mat sáhttet leat dárbbašlaččat meahcis olgoáibmodilis.

WAFA-gursa addá máhtu doibmet ráfálaččat ja beaktilit maid hástaleaddji ja deattadiliin. Dat nanne oassálasti iešluohttámuša, mearrádusdahkanmáhtu ja geavatlaš vuosttasveahkkedáidduid luonddu eavttuiguin.

Gursa ii leat dušše árbevirolaš vuosttasveahkkegursa – dat doalvu máhtu ovtta lávkki guhkkelabbui, ovttasteamen olbmo fysiologiija vuođđodieđuid praktihkalaš váttisvuođaid čoavdimii luonddus. Dat addá sihkkarvuođa, máhtu ja ovddasvástádusa doibmet riekta dalle, go dilli lea gáibideaddji ja juohke mearrádusas maid dahká lea mearkkašupmi.

Mii ávkkiid WAFA-sertifikáhtas lea mátkeealáhusfitnodatolbmuide?

WAFA-sertifikáhta buktá konkrehta lasseárvvu mátkeealáhus-, luonddu- ja fearánsuorggi fitnodatolbmuide máŋgga láhkai:

Áššehasaid dorvvolašvuohta buorrána

– Fitnodatolbmos lea máhttu doibmet heahtediliin maid boaittobeale báikkiin.

– Áššehasat sáhttet luohttit dasa, ahte ofelaš dahje jođiheaddji máhttá reageret riekta, jos juoga geavvá.

Sertifikáhta doibme gelbbolašvuođa duođaštussan

– Riikkaidgaskasaččat dohkkehuvvon gelbbolašvuohta lea nana duođaštus ámmátdáiddus.

– Dat sáhttá leat gilvoovdamunni dahje soahpamušeaktun fálaldatgilvvuin dahje ovttasbarggus (omd. skuvllaiguin, mátkelágideaddjiiguin, govvabuvttadeaddjiiguin dahje fitnodagaiguin).

Sertifikáhtta buorida fitnodaga jáhkehahttivuođa ja imago

– Skuvlejuvvon bargoveahka addá bargis ámmátlaš bargi gova.

– Áššehasat atnet árvvus daid lágideaddjiid mat bidjet návccaid dorvvolašvuhtii – dat sáhttá leat mearrideaddjin go áššehasat dahket oastinmearrádusa.

– Sertifikáhta veahkeha ollašuhttit ovddasvástádus- ja kvalitehtakriteraid eavttuid

– Máŋgga suorggis ja guovllus gáibiduvvo vuosttasveahkkeskuvlejupmi, mii lea eaktun doaibmalobi dahje kvalitehtamerkemiid oažžumii (omd. Green Key, STF, Meahciráđđehusa ovttasbargoguoimmit).

– Nanne fitnodaga kriisagearggusvuođa, mii sáhttá leat oassin riskahálddašeami ja dáhkáduseavttuid.

Sertifikáhta dahká vejolažžan riikkaidgaskasaš vuogi doibmet

– WAFA-sertifikáhta lea dovddus miehtá máilmmi – ávkkálaš erenomážit jos bálvalat olgoriikkalaš áššehasaid dahje doibmet olgoriikkas

Oahpahusa sisdoallu (40 h)

• Vuosttasveahki almmolaš vuođđojurdagat meahcis ja kritihkalaš jurddašeapmi
• WMA Pasieantaárvvoštallansystema, PAS (WMA Patient Assesment System, PAS), dili hálddašanreaidu ja pasieantta dutkanreaidu
• golbma kritihkalaš orgána doaibmansystema ja daid váttisvuođat, rávesolbmo dábálaš jiellun
• čielgeváttu dutkan
• pasieantta duvdin ja sirdin boaittomeahcis
• dákte-deahkkeváttut, cuovkaneamit ja daid stielgudeapmi
• allergiija ja anafylaksia
• galbma ja báhkka biras ja daid ovddas iežas suddjen
• hávit ja buollinváttut ja daid dikšun boaittomeahcis
• dábálamos givssit boaittomeahcis

Almmuheapmi maŋimustá 12.5.2025: Riikka Keskiaho, 040 544 2058, riikka.keskiaho@utsjoki.fi

Lassedieđut dáppe