Gielddaráđđehus 10.11.2025: Ohcejoga gielddaráđđehus gieđahallá cealkámuša Lapha bálvalanfierpmádaga nuppástusplánas

Ohcejoga gielddaráđđehus gieđahallá gieldda cealkámuša Lapha sosiála- ja dearvvasvuođabálvalusaid bálvalanfierbmádahkii plánejuvvon nuppástusain čoahkkimis 10.11. Evttohuvvon bálvalanfierpmádaga nuppástusat ja erenomážit Avvila dearvvasvuođaguovddáža eahket- ja idjagohcima heaittiheapmi leat fuolastuhttán viidát gieldda olbmuid ja fitnošeaddjiid.

Giđa nuppástusráđđádallamiin mearriduvvui ahte eallinfápmu- ja teknihkalaš doaibma ovttastahttojuvvo ovddidan- ja birasdoaibman. Seammás mearriduvvui heaittihuvvot eallinfápmohoavdda ja giddodathoavdda virgi. Doaibmasuorggi njunnošii vuođđuduvvo ovddidanhoavdda virgi, mii devdojuvvo boahtte jagi álggus. Evttohus lea, ahte ovddidanhoavdda virgi fállojuvvo dálá eallinfápmohovdii.

Gielddaráđđehus gieđahallá Davvi-Lappi guovloovttasbarggu gieldaovttastumi Plaky válmmaštallan oahppoloatnabuhtadusa guovlluguovdasaš eavttuid. Eavttuid bokte meroštallo guhte sáhttá oažžut buhtadusa 3 jagi iskkadallama áigge. Joksanmearrin lea oažžut gelbbolaš bargiid ja ođđa ássiid gildii.

Čoahkkima áššelistu (pdf)

Lassedieđut

Gielddaráđđehusa ságadoalli
Vuokko Tieva-Niittyvuopio
0400 933 754
vuokko.tieva-niittyvuopio@utsjoki.fi

Gielddahoavda
Päivi Kontio
040 744 7630
paivi.kontio@utsjoki.fi