Gielddaráđđehus 10.11.2025: Ohcejoga gielddaráđđehus vuostálastá Lappi bálvalusfierpmádaga nuppástuhttinplánaid
11.11.2025
Ohcejoga gielddaráđđehus gieđahalai gieldda cealkámuša Lapha sosiála- ja dearvvasvuođabálvalusaid bálvalanfierpmádahkii plánejuvvon nuppástusain čoahkkimisttis 10.11. Evttohuvvon bálvalanfierpmádaga nuppástusat ja erenomážit Avvila dearvvasvuođaguovddáža eahket- ja idjagohcima heaittiheapmi leat fuolastuhttán gieldda ássiid ja turismafitnodagaid. Cealkámušas doarjalit guhkes gaskkaid dagahan hástalusaide fáktavuorroáigge, daningo guhkimus gaska gohcimis fitnamis Roavvenjárggas dárkkuhivččii sulaid duhát kilomehtera. Nuppádassii gielda doarjala erenomážit sámiid gielalaš ja kultuvrralaš vuoigatvuođaide, mat eai Lappi evttohan ođastusas boađe ollašuvvat.
Giđa nuppástusráđđádallamiin mearriduvvui ahte eallinfápmu- ja teknihkalaš doaibma ovttastahttojuvvo ovddidan- ja birasdoaibman. Seammás mearriduvvui heaittihuvvot eallinfápmohoavdda ja giddodathoavdda virgi. Doaibmasuorggi njunnošii lea vuođđuduvvon ovddidanhoavdda virgi, mii devdojuvvo boahtte jagi álggus. Evttohus dálá ealáhushoavdda sirdimis ovddidanjođiheaddji virgái dohkkehuvvui.
Gielddaráđđehus dohkkehii Davvi-Lappi guovloovttasbarggu gieldaovttastumi Plaky válmmaštallan oahppoloatnabuhtadusa guovlluguovdasaš eavttuid. Plaky stivra lea dohkkehuvvon eavttuid jo ovdal. Eavttuid bokte meroštallo guhte sáhttá oažžut buhtadusa 3 jagi iskkadallama áigge. Joksanmearrin lea oažžut gelbbolaš bargiid ja ođđa olbmuid ássin gildii.
Ohcejoga gielda oassálastá Sámi ealáhus- ja guorahallanguovddáža (SEG) Deanu evttohan projektii, man ulbmilin lea nannet Deanu giellaguovddáža ja Ohcejoga gieldda ovttasbarggu. Projeavttas ávkkástallat giellateknologiija sámegiela nannemis, oahpahusas ja beaivválaš anus. Ulbmilin lea hutkat ođđa rusttegiid ja metodaid, mainna dahkujierbmi sáhttá doarjut giela ealáskahttima ja sámegielat oahpahusa nu skuvllain go gáiddusoahppanbirrasiin.
Beavdegirji (pdf)
Lassedieđut
Gielddaráđđehusa ságadoalli
Vuokko Tieva-Niittyvuopio
0400 933 754
vuokko.tieva-niittyvuopio@utsjoki.fi
Gielddahoavda
Päivi Kontio
040 744 7630
paivi.kontio@utsjoki.fi