Gielddaráđđehus 2.12.2025: Ohcejoga gielddaráđđehus dohkkehii pride-levgema jienasteami maŋŋá

Ohcejoga gielddaráđđehus gieđahalai čoahkkimis 2.12. nuoraidráđi álgaga pride-levgemis. Nuoraid evttohan levgen dohkkehuvvui guhkes ságastallama ja jienasteami maŋŋá. Jienaiguin 5-2 Ohcejogas levgejit dás ovddos ovtta beaivvi geassemánu loahpas ja Ohcejoga iežas pride-dáhpáhusa oktavuođas, jus dat ordnejuvvo.

Nuoraidráđi mielde pride:s ii leat sáhka ideologias dahje ismmas muhto olmmošrivttiin. Álgagis gávnnahit, ahte pride-levgen livččii okta vuohki dustet Ohcejoga beaggima boaresáigásaš gieldan. Jienasteami vuođul gielddaráđđehus dohkkehii nuoraidráđi álgaga. Jienasteamis evttohusa vuostá jienastedje Mateusz Moilanen ja Sammol Lukkari. Moilanen guđii mearrádussii sierraoivila, go su mielde buot gielddaolbmot eai doarjjo lihkadusa politihkalaš ulbmiliid.

Gieldda bušeahttaevttohus guorahallojuvvui dárkilit ja dat dohkkehuvvui ja evttohuvvo ain váldostivrii dohkkehanláhkai. Gieldda hálddahusnjuolggadusa beaivideapmi, luohttámušolbmuid bálkánjuolggadus ja bargiidráva dohkkehuvvojedje. Bargiidrávvagis meroštallojuvvojit maiddái gáiddusbargorávvagat: gáiddusbarggu sáhttá bargat eanemustá čieža beaivvi mánotbajis.

Ovddidanhoavdda virgi biddjo ohcanláhkai, go dáláš eallinfápmohoavda ii váldde fállojuvvon virggi vuostá.

Čoahkkima beavdegirji (pdf)

Lassedieđut:

Gielddaráđđehusa ságadoalli
Vuokko Tieva-Niittyvuopio
0400 933 754
vuokko.tieva-niittyvuopio@utsjoki.fi

Gielddahoavda
Päivi Kontio
040 744 7630
paivi.kontio@utsjoki.fi

Ohcejoga nuoraidráđi ságadoalli
Oskari Kontio
040 679 5075