Gielddaráđđehus dohkkehii boahtte jagi vearroproseanttaid

Ohcejoga gielddaráđđehus dohkkehii čoahkkimisttis 21.10.2024 boahtte jagi dienasvearro- ja giddodatvearroproseanttaid ja evttoha daid ain gieldda váldostivrii dohkkeheami várás.

Dán jagi Ohcejoga dienasvearroproseanta leamašan 8,4 ja čoggon dienasvearu mearrin lea árvvoštallon sullii 1,85 miljovnna euro. Gielddaráđđehus evttoha váldostivrii boahtte jahkái seammasturrosaš dienasvearroproseantta go dánge jagi. Čoahkkimis evttohuvvui, ahte dienasvearroproseanta loktejuvvo ovcci prosentii, muhto evttohus ii ožžon doarjaga.

Giddodatvearuid árvvoštallet dán jagi čoggot sullii 800 000 euro. Dábálaš giddodatvearrun gielddaráđđehus dohkkehii boahtte jahkái 1,30 %, eanavuđđui 1,30 %, fásta viesu giddodatvearrun 0,65 % ja eará ássanviesuid vearrun 1,60 %. Lassin huksekeahtes viessosaji vearrun dohkkehuvvui 2 %.

Gielddaráđđehus gieđahalai teknihkalaš doaimma stivrenordnemiid ja dohkkehii teknihkalaš doaimma hálddahusa stivrenovddasvástádusa sirdáseami gielddahovdii 1.10.2024 rájes. Teknihkalaš doaimma bargguid ođđasit organiseren lea aiddo jođus ja ovdána nu, ahte ođđa organisašuvdna ja stivrenmálle gárvánit maŋimustá čakčat 2025.

Gielddaráđđehusa čoahkkima beavdegirji (pdf)

Lassediehtu:

Gielddaráđđehusa ságadoalli Väinö Guttorm
040 503 1574
vaino.guttorm@utsjoki.fi

Gielddahoavda Päivi Kontio
040 744 7630
paivi.kontio@utsjoki.fi