Gielddaráđđehus: Ohcejoga gielddaráđđehus čoahkkana gieđahallat boahtte jagi bušeahttaárvalusevttohusa

Ohcejoga gielddaráđđehus gieđahallá čoahkkimisttis 2.12. evttohusa boahtte jagi bušeahttan. Bušeahttaárvalusa plánemis vuođđun leamašan ovttasdoaibmanráđđádallama meannudeami boađus, dán jagi bušeahtta, bušeahta ollašupmi ja ovddit jagi ruhtadoalloloahpaheapmi. Plánemis leat váldon vuhtii dat doaibmanuppástusat, mat leat dieđus. Maiddái guhkit áigegaskka čuovvun lea dahkkon.

Čoahkkimis gieđahallojuvvojit maiddái máŋga beaiváduvvon rávvaga ja njuolggadusa, vai dat šaddet áiggi dássái láhka- ja doaibmanuppástusaid geažil.

Gieldda nuppástusráđđádallamiid boađusin eallinfápmo- ja teknihkalaš doaibmasuorgi ovttastuvvo jagi álggus ovddidan- ja birasdoaibman ja seammás heaittihuvvo eallinfápmohoavdda ja giddodathoavdda virgi. Ođđa doaibmasuorggi njunušsadjái lea vuođđuduvvon ovddidanjođiheaddji virgi, mii gielddaráđđehusa mearrádusa mielde lea fállojuvvon eallinfápmohovdii. Eallinfápmohoavda Tanja Lepistö ii váldde barggu vuostá iige de ná joatkke gieldda bálvalusas. Ovddidanjođiheaddji virgi biddjojuvvo rabas.

Čoahkkima áššelistu (pdf)

Lassedieđut

Gielddaráđđehusa ságadoalli
Vuokko Tieva-Niittyvuopio
0400 933 754
vuokko.tieva-niittyvuopio@utsjoki.fi

Gielddahoavda
Päivi Kontio
040 744 7630
paivi.kontio@utsjoki.fi