Giellavahku buohkaide rabas oahppodiimmut leat vuot boađi boađi – temán lea árgabeaivi
9.10.2025
Dán jagi Giellavahku ávvudit 20.-26.10.2025. Sámegielaid gáiddusoahpahusfidnu ordne fas rabas oahppodiimmuid, maidda leat buohkat buresboahtin searvat. Giellavahkku lea ordnejuvvon vuosttas háve jagis 2019, ja gáiddusoahpahusfitnu rabas oahppodiimmut leat šaddan juo árbevierrun.
Oahppodiimmuid temá lea árgabeaivi ja diimmut ordnejuvvojit buot golmma Suomas hállojuvvon sámegillii, nuortalaš-, anáraš- ja davvisámegillii. Anárašgiela diimmus oahppit besset muitalit iežaset beaivvi birra, davvisámegiela diimmus oahpahallat árgabeaidajaldagaid ja nuortalašgiela diimmus fas háleštaddat árgabeaidujiin.
Oahppodiimmuid ulbmilin lea juohkit dieđu sámegielain ja seammás maiddái sámekultuvrras. Oahppodiimmut leat oaivvilduvvon ovda- ja vuođđooahpahusa oahppiide ja nuppi dási oahppiide, muhto diimmuide ožžot searvat buohkat geat leat beroštuvvan sámegielain. Giela ii dárbbaš máhttit ovddalgihtii. Diimmuide sáhttá searvat okto dahje olles luohkká seamma reaiddu bokte. Jus háliida, de sáhttá oassálastit vuoikko buot diimmuide! Diimmuide ii dárbbaš almmuhit ovddalgihtii.
Oahppodiimmut dollojuvvojit gáiddusoktavuođain Microsoft Teamsas.
Áigetávvalat:
Maŋŋebárga 21.10. dii 9–9.45
Mu árgabeaivi
Oahpaheaddjin Tuuli Paadar ja Laura Ylinampa
Geasa: 0.–3.luohkát
Giella: Anárašgiella
Liŋka: Coahkkal dákko ja searvva čoahkkimii
Gaskavahkku 22.10. dii 9–9.45
Árgabeaidajaldagat
Oahpaheaddjin Joni Saijets, Laura Njunnas ja Ida-Maria Helander
Geasa: Badjeskuvla ja nubbi dássi
Giella: Davvisámegiella
Liŋka: Coahkkal dákko ja searvva čoahkkimii
Duorastat 23.10. dii 9–9.45
Árgabeaiduojit
Oahpaheaddjin Sirkka Sanila ja Kia Olin
Geasa: 4.–6. luohkát
Giella: Nuortalašgiella
Liŋka: Coahkkal dákko ja searvva čoahkkimii
Diimmuid áigge sáhttá háleštit ja jearrat gažaldagaid chat bokte. Oahppodiimmut eai báddejuvvo.
Oktavuođaolbmot:
Hanna Helander, prošeaktahoavda
hanna.helander@edu.utsjoki.fi
040 701 2094
Anne Olli, prošeaktakoordináhtor
anne.olli@samediggi.fi
040 687 5989
Lassedieđut Sámegielaid gáiddusoahpahusprošeavtta birra:
Sámegielaid gáiddusoahpahusa pilohttaprošeavtta jođiha Ohcejoga gielda ja koordinere Sámediggi. Prošeavtta mihttomearrin lea fállat sámegielaid gáiddusoahpahusa vuođđoskuvlla ohppiide ja nuppi dási studeanttaide sámeguovllu gielddaid olggobeallái guokte vahkkodiimmu ja ovddidit sámegieloahpahusa pedagogihka. Gáiddusoahpahusprošeavtta oahpahus lea reálaáiggi oahpahus (nu gohčoduvvon synkronalaš oahpahus), mas oahpaheaddji ja oahppit oassálastet oahppodiibmui seamma áigge iežaset dihtoriiguin iešguđet guovllus.
https://www.saamenetaopetus.com/
Lassedieđut sámi giellavahku birra:
Giellavahku ulbmilin lea buoridit sámegielaid stáhtusa, ja buoridit máhtu sámi giela ja kultuvrra birra olles servodagas. Juste dán vahkus galget sámegielat gullot ja oidnot juohke sajis.
Giellavahkku lea veahkkálasbargu čalmmustahttit sámegielaid ja loktet máhtu daid birra olles servodagas. Priváhta ja almmolaš ásahusat, ealáhuseallin, organisašuvnnat ja eará aktevrrat bovdejuvvojit oainnusmahttit sámegielaid juste dán vahkus. Ovttas váldit mii stuorábuš ovddasvástádusa sámegielaid gullomis, oidnomis ja geavaheames buot servodatsurggiin.
Sámediggi Norgga beale mearridii álggahit Giellavahku dalle go almmuhii Giellaloktema.