Gr 24.2.2026: Ohcejoga gielddaráđđehus mearrida evttohusas ovddidanhoavdan

Ohcejoga gielddaráđđehusa 24.2.2026 čoahkkima dehálamos áššin lea ovddidanhoavdda rekryteren. Ovddidanhoavdda virgi lea ođđa gieldda, go mannan giđa nuppástusráđđádallamiid maŋŋá teknihkalaš ja eallinfámu doaibmasuorggit ovttastahttojedje ovddidan- ja birasdoaibmasuorgin. Ovddidanhoavda vástida ovttastahtton doaibmasuorggi jođiheamis. Gielddaráđđehus jearahalai čieža ohcci, geain dat vállje iežas evttohasa virgái ja evttoha dan gielddaráđđehussii, mii čoahkkana njukčamánu álggus.

Suopmelaš-norgalaš rádječázádatkommišuvnna dálá lahtuid doaibmabadji nogai 31.12.2025. Birasministeriija válmmaštallá rádječázádatsoahpamuša artihkal 3 mielde Suoma lahtuid nammadeamis kommišuvnna doaibmabadjái, mii álgá 1.1.2026 ja nohká 31.12.2029. Birasministeriija bivdá Lappi eallinfápmoguovddáža ja Ohcejoga ja Anára gielddaid evttohit golbma rádjeguovllu diliid bures dovdi olbmo ja várreolbmuid kommišuvdnii. Čoahkkimis gielddaráđđehus dahká evttohusa Ohcejoga gieldda ovddasteaddjis ja su várreolbmos.

Čoahkkima áššelistu (pdf)

Lassedieđut

Gielddaráđđehusa ságadoalli
Vuokko Tieva-Niittyvuopio
0400 933 754
vuokko.tieva-niittyvuopio@utsjoki.fi

Gielddahoavda
Päivi Kontio
040 744 7630
paivi.kontio@utsjoki.fi