Gulaskuddan: Ohcejoga gieldda bázahusfievrrideapmi

Ohcejoga gieldda eallinfápmo- ja teknihkalaš lávdegoddi bivdá cealkámušaid gielddaolbmuin ja gielddas doaibmi fitnodagain, geaidda mearrádus čuohcá, das mo vuojulduhttin- ja obbagáivvuid gurrema galggašii gielddas ordnet. Dál giddodaga hálddašeaddji ordne ieš bázahusfievrrideami  loahkebázahusaide.

Eallinfápmo- ja teknihkalaš lávdegoddi bidjá álgui gulaskuddama áššis, mii guoská sihke fuomášahttima bázahuslága vuostásaš dilis ja čielggadusbivdaga vuojulduhttin- ja obbagáivvoloagi fievrridanortnegis LAPELY/1462/2025 (Eltekltg 12.8.2025 § 93)

Bázahusláhka (646/2011) geatnegahttá gieldda ordnet bázahusfuolahusa ássiide (JL 32.§) fásta viesus, astoáiggeviesus, ásodagas ja eará orrunviesus šaddi bázahusa, mielde maid vuojulduhttin- ja obbagáivvoloagi. Bázahusfievrrideamis lea gažaldat almmolaš vealtameahttun bálvalusas, mii galgá doaibmat buot diliin, álo ja buot guovlluin.

Bázahusfievrrideamis leat guokte molssaeavttu:

• Váldonjuolggadussan lea bázahuslágas meroštallon gieldda ordnen ja gilvalahttin bázahusfievrrideapmi (JL 36 §).
• Nubbi molssaeaktu lea giddodathálddašeaddji ordnen bázahusfievrrideapmi (ovdal ng. bázahusfievrrideapmi soahpamuša mielde), mas guovllu ássit ieža sohpet fievrridanfitnodagain bázahusaid čohkkemis ja fievrrideamis gieldda mearridan loahppabidjanbáikái (JL 37 §). Gielda sáhttá mearridit giddodaga hálddašeaddji ordnen bázahusfievrrideami atnui váldimis dušše, jos sáhttá ákkaid vuođul navdit, ahte guovllus leat oažžumis fievrridanbálvalusat luohtehahtti vugiin sihke govttolaš ja vealakeahtes eavttuiguin

Ohcejoga gielda lea ožžon Lappi Ely-guovddážis fuomášahttima bázahuslága vuostásaš doaimmas, mii guoská vuojulduhttin- ja obbagáivvoloagi fievrridanortnega, daningo gielddas ii leat dahkkon mearrádus das, ahte giddodathálddašeaddjit ordnejit bázahusaideaset fievrrideami. Mearrádusa livččii galgan dahkat 1.5. 2013 rádjai.

Ohcejoga gielddas lea vuojulduhttin- ja obbagáivvoloagi fievrrideapmi ordnejuvvon nu, ahte áššehas ovddasvástida ieš táŋkkaid gurremis ja diŋgo gurrema dan fievrrideaddjis geas háliida. Gieldda guovllus vuojulduhttin- ja obbagáivvoloagi gurremis leat váldoáššis fuolahan guokte sierra doaibmi. Dušše fitnošeaddji geas lea ealáhus-, johtolat- ja birasguovddáža addin bázahusfuolahusregisttarsertifikáhta sáhttá gurret ámmátdoaibmin vuojulduhttin- ja obbagáivvoloahketáŋkkaid dahje dan dakkáraš loahketáŋkkaid. Guktot fitnodagat Ohcejoga gielddas devdet dáid eavttuid.

Báaahuslága 38 § mielde gielda galgá ovdal 35 § 4 momeanttas ja 37 §:s dárkkuhuvvon mearrádusa dahkama dahje rievdadeami várret buohkaide, geaid diliide mearrádusdahkamis lea mearkkašahtti váikkuhus, vejolašvuođa oažžut dieđu ja cealkit iežas oaivila áššis.

Ohcejoga eallinfápmo- ja teknihkalaš lávdegoddi bivdá gieldda olbmuin ja gieldda guovllus doaibmi fitnodagain, maidda dát mearrádus guoská, cealkámušaid ovdalis máinnašuvvon áššis áigodagas 20.10.-30.11.2025 čujuhussii tekninen@utsjoki.fi dahje čálalaččat čujuhussii Ohcejoga teknihkalaš doaibma, Luossa 1, 9980 Ohcejohka.

Lassedieđut

Ohcejoga gielddahoavda, vd. giddodathoavda
Päivi Kontio
040 744 7630
paivi.kontio@utsjoki.fi