Individuála huksen davviguovllu duovdagii

PolarHouse lea Keminmaas doaibmi, jagis 2000 vuođđuduvvon dállobáhkkadoaimmaheaddji, mii figgá geavahit guovllu olbmuid bargofámu ja maid háhkat báikkálaš materiálaid. PolarHouse buktagiin lea de Avainlippu-mearka, mii muitala Suomas buvttaduvvon bálvalusas.

– Mis sáhttá diŋgot juogo sávdnebartta dahje 500 njealjehasmehtera restoráŋŋa, PolarHouse vuovdin- ja márkanastinhoavda Ville Köngäs lohpida.

– Min brošyras leat 18 gárvves málle, ja daid vuođul mii bargagoahtit nuppástusaid áššehasa sávaldagaid mielde. Nuppástusat sáhttet leat dakkárat go áššehas sávvá, dasgo mii eat hukse moduladáluid, Köngäs joatká.

PolarHouse lea dállobáhkkadoaimmaheaddji. Čoavdagat gihtii -báhka sis ii fidne, muhto dan gal sáhttá ollašuhttit go váldá prošektii mielde agoartaváldi, guhte hukse dálu lohppii. Dáluid rámmat huksejuvvojit fabrihkas gárvvisin siste, de dálu sáhttá huksensajis suddjet johtilit dálkkiin.

Davviguovllu huksen

PolarHouse doaimmaha dáluid áibbas davimus Supmii nappo Ohcejoga rádjai. Doaimmahusat bohtet oppalašfievrrideapmin, vai fievrridangolut bissot govttolažžan.

– Mii figgat fállat davviguovllu bálvalusaid maiddái dan láhkai, ahte mii geavahit vejolašvuođaid mielde dáppe lagasbirrasis buvttaduvvon áššiid. Ovdamearkka dihte min sávnnit bohtet dáppe Mearra-Lappis, Ville Köngäs muitala.

– Mii doarjut maiddái guovllu bargofámu. Lappis leat ollut smávva huksensuorggi fitnodagat, mat doibmet min fierpmádahkan sadjái bidjamis. Iežamet stellejeaddjit mis eai leat, Köngäs govvida PolarHouse doaimma.

Davvin huksensuorggi ámmátolbmot eai leat seamma olu go Mátta-Suomas. PolarHouse prošeavttain ámmátolbmuid gávdnan ii goittotge leat leamaš goassige váttisvuohtan, vaikko ránnjás sii eai vealttakeahttá gávdno.

– Huksenlobi fas oažžu máŋgga geardde jođánabbotgo ovdamearkan Espoos, Köngäs muitala.

Liekkashirsastohpu heive biekkaide ja borggaide

Jos hukse dálu davás, leat das dihtolágan sierraiešvuođat. PolarHouse dáluin davvi dilit leat vuhtiiváldojuvvon.

– Min mielas ii gánnet hukset lássahyhtá, mas ii leat oktage liegga seaidni. Mii máhttit vuhtiiváldit dan, ahte lása buohta sáhttá leat moatti sentimehtera guhkkosaš viidodat, mas lea 50 gráda temperatuvraearru, Ville Köngäs muitala.

Biekkat, arvvit ja muohtti ja nuppástuvvi dálkkádat dagahit lasi hástalusaid dáluid ráhkadusaide.

– Dáluid olggoža njuoskamis ii dárbbaš leat fuolas, muittuha Köngäs.

– Dehálaš lea dat, mo dállu goiká. Muorra galgá beassat luobahit lávttasvuođa eret, ja dat ollašuvvá liekkashirssas ráhkaduvvon dálus bures, Köngäs joatká.

Energiijabeaktilvuođa dáfus liekkashirsa lea erenomáš buorre válljen. Olgguldashámi dáfus ráhkadus vástida hirsaseainni, muhto das leat mearkkašahtti láhkai buoret sirrennávccat.

Dálkkádaga nuppástuvvan lea juo rievdadan proseassa

Nuppástuvvi dálkkádat lea juo vuhtiiváldon PolarHouse doaimmas. Lassáneaddji garra dálkkit dagahit lassegáibádusaid suvdilis huksemii. Hukseninšenevralihttu addá ávžžuhusaid doaibmasuorgái ja daid vuođul PolarHouse lea dán jagi rievdadan guovttegeardásažžan bieggasuodjedulbosa assodaga.

– Nuppástuvvi máilbmi oidno maiddái áššehasaid sávaldagain. Ovdamearkka dihte sirrenmateriálaid jearaldat lea rievdan. Guosas ráhkaduvvon muorrasáigosirrejeaddji jearaldat lea lassánan ja hálbbit minerálaullu jearaldat lea fas geahppánan, Köngäs dadjá.

– Mii figgat dieđusge vástidit buoremus lági mielde min áššehasaid buotlágan sávaldagaide, son joatká.

Loga lasi

Lasi PolarHouse birra sáhtát lohka čujuhusas https://www.polarhouse.com/.

Ohcejoga gielddadálus ordnejuvvui 1.2.2025 Ássama beaivi, mas oidnosis ledje dálloráhkadeaddjit, guovllu dállohuksema bálvalusat, lávvaráhkadeami áššit, báŋkku ja Meahciráđđehusa ovddasteaddjit ja maid teknihkalaš doaimma bálvalusat. Ássama artihkkalráiddus ovdanbuktit dálloráhkadeaddjiid HAWO, PolarHouse ja ThermiaTalot.

Artihkal lea almmustahtton Ráhkadusnuppástus koordinašuvdna Ohcejogas -prošeavtta buvttusin.