Jagi 2025 álggus bargofápmobálvalusat sirdašuvvet gielddaide – ná divššut áššiid Davvi- ja Nuorta-Lappi barggolašvuođaguovllus

12.12.2024

Ohcejoga gielda ordne jagi 2025 álggus bargofápmobálvalusaid  ovttas čiežain eará gielddain Davvi- ja Nuorta-Lappi barggolašvuođaguovllus. Dáppe gávnnat dieđuid boahttevaš áššedikšunkanálaid ja barggolašvuođaguovllu oktavuođaváldindieđuid birra 2.1.2025 ovddos.

Työmarkkinatori (Bargomárkantoarga) bissu dás duohkonai bargguohcciid ja bargoaddiid elektrovnnalaš áššedikšunkanálan. Čálit dohko sisa, jos ozat barggu dahje bargiid! Työmarkkinatori bokte sáhtát maid sáddet bivdaga, ahte dutnje váldit oktavuođa.

Työmarkkinatori lassin sáhtát várret bálvalanáiggi juogo nu, ahte riŋget barggolašvuođaguovllu oktasašnummárii dahje nu, ahte sáddet šleađgapoastta barggolašvuođaguovllu šleađgapoastačujuhussii:

Jos leat juo BE-bálvalusaid áššehas, de it dárbbaš bargat maidege nuppástusa dihte, go bálvalanfálli molsašuvvá jahkemolsašumis.

Jos dárbbašat bargofápmobálvalusaid Davvi- ja Nuorta-Lappi barggolašvuođaguovllus, itge dieđe mo du áššit dikšojuvvojit, de válddestivččetgo oktavuođa barggolašvuođa oktavuođaváldinnummárii dahje šleađgapostii. Daid bokte du ášši ovddiduvvo rivttes olbmui, gii dikšugoahtá du ášši.

Barggolašvuođaguovllu bargiid šleađgapoasttat leat hámis: ovdanamma.goargu@sodankyla.fi

Amma muittát: Sáhtát almmuhit iežat bargguohccin juo dál!

Jos leat geargame oahppolágádusas dahje du bargogaskavuohta lea nohkame, iige dutnje leat boahtte jahkái vel dieđus bargo- dahje studerenbáiki, de almmut iežat bargguohccin. Sáhtát almmuhit iežat bargguohccin ja almmuhit bargguhisvuođa vuosttaš beaivvi juo dál.

Muitte, ahte jos almmuhat iežat bargguohccin easkka dalle, go du bargguhisvuohta lea juo álgán, du vuoigatvuohta bargguhisvuođadorvui álgá áramustá almmuhanbeaivvi rájes. Álkimus vuohki lea, ahte almmuhat iežat bargguohccin Työmarkkinatori áššedikšuma oasis (Asiointi).

Loga lasi dáppe: https://tyomarkkinatori.fi/uutiset/voit-ilmoittautua-tyonhakijaksi-jo-nyt-jos-sinulla-ei-ole-ensi-vuodeksi-tiedossa-tyo-tai-opiskelupaikkaa

Mas lea sáhka?

BE-bálvalusat sirdašuvvet gielddaid bargun jagi 2025 álggus, ja stáhta bargo- ja ealáhusdoaimmahagat dahjege BE-doaimmahagat heaittihuvvojit. Bargofápmobálvalusat gullágohtet juohke gieldda vuođđobálvalusaide.

Ođastusas Lappii hápmašuvvet njeallje barggolašvuođaguovllu, mat vástidit bargofápmobálvalusaid ordnema: Mearra-Lappi, Davvi- ja Nuorta-Lappi, Rovaseutu (Rovaguovlu) ja lassin Duottar-Lappi ja Pello barggolašvuođaguovllut.

Davvi- ja Nuorta-Lappi barggolašvuođaguovllu vástugieldan doaibmá Soađegilli, ja dán guvlui gullet gávcci gieldda:

  • Anár
  • Kemijärvi
  • Pelkosenniemi
  • Posio
  • Salla
  • Savukoski
  • Soađegilli
  • Ohcejohka

Maid nuppástus mearkkaša geavatlaččat?

  • Lappi BE-doaimmahat bálvala jagi 2024 loahpa rádjai.
  • Jagi 2025 álggus du bálvalit gielddaid áššedovdit áigevárrema bokte. Guođe bivdaga, ahte dutnje váldit oktavuođa juogo Työmarkkinatori áššedikšuma oasis Asiointi dahje riŋge dahje sádde šleađgapoastta barggolašvuođaguvlui.
  • Jos leat juo BE-bálvalusaid áššehas, de it dárbbaš bargat maidege nuppástusa dihte, go bálvalanfálli molsašuvvá jahkemolsašumis. Du áššehasdieđut sirdašuvvet barggolašvuođaguvlui. Mii maid váldit dutnje dárbbu mielde oktavuođa persovnnalaččat.
  • Jos ozat barggu dahje bargiid, de čálit sisa Työmarkkinatorii. Työmarkkinatori bissu dás duohkonai elektrovnnalaš áššedikšunkanálan.
  • Sáhtát jagi 2025 álggu rájes álot váldit oktavuođa maid iežat gildii ja mii veahkehit ja rávvet du ovddosguvlui.

Jahkemolsašumis diehtovuogádagas lea geavahanboatkka

Bargofápmobálvalusaid diehtovuogádagat beaiváduvvojit, man dihte sihke sihke Työmarkkinatori áššedikšuma Asiointi-oassi ja bargoaddiid iežaset áššedikšun Oma asiointi -fierpmebálvalus eai leat geavahusas. Geavahanboatkka álgá mánnodaga 30.12.2024 dii. 8, ja dat nohká duorastaga 2.1.2025 dii. 8.

Loga eanet dáppe: https://tyomarkkinatori.fi/uutiset/tyovoimapalveluiden-tietojarjestelmissa-kayttokatko-vuodenvaihteessa

Ruovttoluotta