Lapha guovlluráđđehus evttoha: Birrajándorlaš gohcin joatkašuvašii Avvilis

Guovlluráđđehus evttoha: Birrajándorlaš gohcin joatkašuvašii Avvilis ja dušše njeallje seaŋgaossodaga heaittihuvvoše

Guovlluráđđehus evttoha guovllustivrii, ahte birrajándorlaš vuođđodearvvasvuođafuolahusa gohcin joatkašuvašii Avvilis. Guovlluráđđehus mearridivččii maŋŋeleappos dáláža ektui ekonomalut doaibmamálliin, maiguin buresveadjinguovlu čađahivččii birrajándorlaš doavttergearggusvuođa.

Seaŋgaossodagat seailloše Avvilis, Gihttelis, Soađegilis, Giemajávrris, Roavvenjárggas, Giemas, Durdnosis, Pellos, Ranuas ja Muonás. Mearrádus šattai jienasteami maŋŋá.

Seastu seaŋgaossodatfierpmádaga ođasteamis šattašii badjelaš 7 miljovnna euro jagis. Seasttuin leat vuhtiiváldon liigevuoruheamit ruoktobuohcceviessodoaimmaide, vuorasolbmuid dikšui ja vuosttašdikšui.

Lappis lea seaŋgaossodatdikšu ollu eambbo go eará báikkiin riikkas. Seaŋgaossodatfierpmádaga bajásdoallan dálážis ii leat vejolaš, daningo lea hástaleaddji oažžut bargiid muhtin ossodagaide ja smávva ovttadagain divššu jándorhaddi divru alladin.

Seaŋgaossodagat duddeše máŋggaid bálvalusaid

Badjedurdnosis, Posios, Keminmaas ja Tervolas seaŋgaossodagat heaittihuvvoše muttuid mielde jagi 2028 loahpa rádjái, juo árabut heaittihuvvon Ohcejoga, Kolari, Pelkosenniemi, Salla ja Simo seaŋgaossodagaid lassin. Dárkilut áigeplána válmmaštallojuvvo guovllustivrra čoahkkimii.

Duddejeaddji bálvalusat livčče earret eará ruovttus dikšun, vuosttašdikšu, gohcinveahkkenummir 116117 ja iešguđetlágan digibálvalusat. Lassin juohke gielddas dahje vuođđobálvalusaid áššiiddikšunguovllus livččii vuorasolbmuid birrajándorlaš ovttadat. Ruoktobuohcceviessodoaibma divššošii buohcciid sin dárbbuid mielde juogo ruovttus, ássanovttadagas dahje bálvalanruovttu nu gohčoduvvon lohpesajis. Ruoktobuohcceviessu barggašii dan rabasáiggiid siste maiddái divššu dárbbu árvvoštallama iežas báikegottis. Buot báikegottiin livččii maiddái nammaduvvon dat lagamus seaŋgaossodat, mii ovddemusat geavahuvvošii, go livččii dárbu namalassii dikšui, mii addo seaŋgaossodagas.

Guovlluráđđehus gieđahallá eará bálvalanfierpmádatáššiid dego Länsi-Pohja buohcceviesu bálvalusvalljodaga boahtte vahku čoahkkimisttis. Guovllustivra gieđahallá bálvalanfierpmádaga čoahkkimisttis  guovvamánu 23. beaivve. Árvvoštallanjoavku lea gáibidan, ahte bálvalanfierpmádatmearrádusat dahkkojuvvojit guovvamánus.

Lassedieđut:
aluehallituksen puheenjohtaja Timo Peisa, timo.peisa.lh@lapha.fi, 040 8410 311
hyvinvointialuejohtaja Jari Jokela, jari.jokela@lapha.fi, 040 5323 998
toimialajohtaja Miia Palo, miia.palo@lapha.fi, 040 653 2728
Aluehallituksen esityslista/pöytäkirja: https://lapinhva-julkaisu.triplancloud.fi/ktwebscr/epj_kokl_tweb.htm