Lappi buresveadjinguovllu vástádus Ohcejoga gieldda cealkámuššii sode-bálvalansáhtuid lágideamis

Lappi buresveadjinguovllu guovlluráđđehus lea dohkkehan lámisvuođa- ja sosiálafuolahuslága mieldásaš fievrridanbálvalusa mieđihanvuođuštusaid ja heivehanrávvagiid Lappi buresveadjinguvlui, maid Lappi buresveadjinguovllu virgeoapmahaččat galget čuovvut iežaset barggus. Heivehanrávvagiin ásahuvvo bálvalusaid lágideamis, mii rávve ee. mátkkiid diŋgoma ja ovttastahttima. Rávvagiin meroštallojuvvo maid áššehasa vuoigatvuohta oažžut fástatáksse, man mearrida sosiálaeiseváldi. Fástatáksse (iežas táksse) sáhttá mieđihit áššehassii, gii duođalaš váttu dahje buozalmasvuođa geažil dárbbaha dan vai sáhttá johtit dorvvolaččat.

Sáhtu diŋgon gaskkustanguovddáža bokte sihkkarastá dan, ahte vuoddji lea soahpamušvuoddji, mas lea sohppojuvvon háhkanlága vuođul. Dasa lassin dat dahká vejolažžan ovttastahttit soahpamušaid. Gaskkustanvuogádat maid buvttada iešguđetlágán dieđuid jođiheami doarjjan, nugo kilomehteriid, goluid ja fievrridanvolumaid birra. Lappi buresveadjinguovlu lea gilvalahttán sosiálafuolahuslága ja lámisvuođabálvaluslága mieldásaš fievrridanbálvalusaid buot gielddaid viidodagas seamma kriteraid mielde.  Gilvalahttin lea ollašuhtton nu ahte máksojuvvon buhtadus lea buot fitnodateaiggádiidda seamma. Vuoddjiid vuoruhanortnet meroštallo fálaldatbivdagis máinnašuvvon kvaliteahttakritearain, maid Lappi buresveadjinguovllu guovlluráđđehus lea nannen (§319/31.10.2022).

Lappi buresveadjinguovllu persovdnajohtalusbálvalusa buvttadanovddasvástádus lea sirdásan Tervia Logistiikka Oy:ai. Fitnodat álggaha persovdnajohtolaga bálvalusaid gilvalahttima jagi 2026 áigge. Lappi buresveadjinguovlu lea soahpan fitnodagain ráđđádallamiin, main mannojuvvojit čađa sámegielat gielddaid sierra iešvuođat. Ulbmilin lea váldit dárbbašlaš osiin vuhtii sámeguovllu sierra iešvuođaid oassin boahttevaš gilvalahttinproseassa. Háhkama galgá gilvalahttit nu mot háhkanlágas ásahuvvo. Lága mielde háhkanovttadat galgá gieđahallat háhkanmeannudeami oassálastiid dásseárvosaččat ja vealatkeahttá sihke doaibmat rabasvuođas. Oassin proseassa lágiduvvo márkanastindigaštallan gaskal háhkanovttadaga ja fitnodateaiggádiid, man áigge háhkanovttadat ráhkada gova márkandilis. Dasa lassin fitnodateaiggádiin lea vejolašvuohta addit máhcahaga háhkanovttadaga ulbmiliin ja plánain.

Háhkanovttadat galgá atnit ávkin dálá gilvalahttindiliid, gieđahallat háhkanmeannudeami oassálastiid ovttaveardásaččat ja vealatkeahttá ja bargat rahpasit ja gorálašvuođagáibádusaid vuhtiiválddedettiin. Lága ulbmilin lea beavttálmahttit almmolaš ruđaid geavaheami, ovddidit alladássásaš háhkamiid sihke sihkkarastit fitnodagaid ja eará servošiid ovttaveardásaš vejolašvuođaid fállat gálvvuid, bálvalusaid ja huksenagoartabargguid almmolaš háhkamiid fálaldatgilvvuin.

Ohcejohkalaččaiguin ja eará sámeguovllu gielddaiguin lea dehálaš ságastallat guovlluid sierra iešvuođain oassin Tervia Logistiikka boahttevaš persovdnajohtalusbálvalusaid gilvalahttimiid.

Lappi buresveadjinguovlu
Harri Tiuraniemi
Hallintojohtaja
harri.tiuraniemi@lapha.fi