Lupapiste Kauppa:s beasat skáhppot álkit buot dokumeanttaid maid dárbbašat
11.3.2026
Ohcejoga gielda lea váldán atnui Lupapiste Kauppa, nappo digitála huksendokumeanttaid oastinkanála. Lupapiste Kauppa:s sáhtát skáhppot gieldda huksenbearráigeahču arkiivii vurkejuvvon huksensárgosiid. Dat leat nappo váldosárgosat ja sierraplánat (KVV-, IV- ja struktuvraplánat).
Bálvalus álkidahttá dokumeanttaid skáhppoma mearkkašahtti láhkai. Sáhtát geavahit gávppi iešbálvalussan birra jándora ja juohke sajis. Sárgosiid sáhttá viežžat elektrovnnalaš hámis dalán, vuorddašeami haga. Kauppa:s vuvdet buot digitála lohpeproseassaid áigge šaddan dahje árat, digitaliserejuvvon dokumeanttaid. Jus dat dokumeanta, man dárbbašat, váilu digitála hámis, sáhtát dahkat bivdaga gieldda huksenbearráigehččui Lupapiste Kauppa bokte. Kauppa:s leat geavahusas buot dábálamos máksinvuogit.
Lupapiste Kauppa lea álki geavahit:
- Mana čujuhussii: kauppa.lupapiste.fi
- Oza materiála man áiggošit oastit
- Geahča ovddalgihtii ja sirdde gálvokorii dokumeanttaid, maid háliidat.
- Mávsse dokumeanttaid
- Viečča ostojuvvon dokumeanttaid iežat mášenii
Mana Lupapiste Kauppa:i >>
Lupapiste Kauppa doaimmaheaddji lea čađa suopmelaš, huksejuvvon birrasa elektrovnnalaš lohpebálvalusaid áššedovdifitnodat Cloudpermit Oy.