Ohcejoga gielda juolludii ruhtadoarjagiid searvedoibmiide
19.5.2025
Ohcejoga gielda atná searvedoaimma gielddas dehálažžan. Aktiivvalaš searvedoaibma ovddida gieldalaččaid buresveadjima ja doarju gieldda eallinfámu. Ohcejoga gielda sikte searveovttasbargguin dasa, ahte searvvit ja servošat ordnejit okto ja ovttas gielddain iešguđegelágan dáhpáhusaid ja astoáigge- ja áhpásmandoaimmaid. Gieldastrategiija Buorre eallit Ohcejogas -deattuhusa oktan ulbmilin lea aktiveret goalmmát sektora ja ovddideami, mii badjána ássiid dárbbuin. Dát lasiha giliservošiid buresveadjima ja oassálastima.
Doarjaga ožžo buot ohccit
Gielda juolluda juohke jagi ruhtadoarjagiid searvedoibmiide. – Gieldda juolludan ruhtadoarjagiiguin doarjut ohcejohkalaš searve- ja álbmotdoaimma ja movttiidahttit gieldalaččaid searvvušlaš doaimmaide, muitala buresveadjinhoavda Pirjo Seurujärvi. – Ruhtadoarjja sáhttá čuohcat searvvi doibmii, ruhtadoarjjan ovdamearkan dáhpáhusa, prošeavtta dahje smávvaháhkama geardelunddot ollašuhttimii dahje bajásdoallama ruhtadoarjjan geavahangoluide, mat šaddet gilidoaibmagottiid ja valáštallanservviid eaktodáhtolaš barggus fuolahit dálvevaláštallanbáikkiid ortnegis.
– Ruhtadoarjagiid juolludeamis deattuheimmet aktiivvalaš ja plánejuvvon doaimmaid, mat lasihit gieldalaččaid buresveadjima ja gieldda eallinfámu. Ruhtadoarjaga ii sáhtán ohcat seamma doibmii, masa gii nu eará lea juo juolludan ruhtadoarjaga. Ruhtadoarjagiin ordnejuvvon doaimmain ii galgga geavahit gárrenávdnasiid.
Ruhtadoarjagiid juolludeamis mearridii bargojoavku, masa gullet gieldda buresveadjin- ja eallinfápmohoavda ja ekonomiijačálli.
– Dán jagi mearrideimmet juolludit ruhtadoarjaga buot ohcciide, vaikko juolluduvvon ruhtadoarjaga submi bázii buot ohcciin unnibun go maid sii ohce, muitala Seurujärvi. – Oktiibuot ruhtadoarjagat ohccojuvvojedje 10 200 euro ovddas ja ruhtadoarjagat juolluduvvojedje oktiibuot 5000 euro.
Ruhtadoarjagiid ožžo:
Gáregasnjárgga Gilisearvi rs 900 e
Njuorggáma valáštallansearvi Tenon voima ry 800 e
Utsjoen Kuohu ry 800 e
Utsjoen reserviläiset ry 700 e
Ohcejohnjálmmi Gilisearvi rs 600 e
Ohcejoga gievrrat rs 600 e
Vuovdaguoikka eanaguovlosearvi 300 e
Siella ry 300 e
Lassedieđut
Buresveadjinhoavda Pirjo Seurujärvi
040 139 5420
pirjo.seurujarvi@utsjoki.fi