Ohcejoga gielda nanusmahttá ovttasbarggu Norgga beale gielddaiguin

Ohcejoga gielda nanusmahttá ovttasbarggu Norgga beale rádjágielddaiguin. Deanu gieldda virgeolbmuid njunnošat ja luohttámušolbmot gallededje Ohcejogas 21.1.2026.

Virgeolbmuiguin ságastalle earret eará buresveadjinguovloođastusas ja nuoraid- ja skuvladoaimma vejolaš ovttasbarggus. Maiddái ealáhusaid ovddideamis lei sáhka. – Ságastallamiid bokte gávnnaimet  buriid ovttasbargovejolašvuođaid ja dás leage buorre joatkit ovddosguvlui, lohká gielddahoavda Päivi Kontio.

– Álggos smiehtaimet ahte mo eahpevirggálaš ságastallan lihkostuvvá golmma gillii, muhto olbmot gulahalle sáme- ja dárogillii. – Hálešteimmet dárogillii ja Sverre Porsanger tulkui sámegielas dárogillii.

Ohcejoga gieldda beales deaivvadeapmái serve gielddahoavda Päivi Kontio, buresveadjinhoavda Pirjo Seurujärvi, lektor Laura Arola, lektor Riikka Rasmussen ja asttuáiggekoordináhtor Kaisa Tapiola-Länsman. Deanu gieldda ovddastedje gielddahoavda Jørgen Holten Jørgensen, sosiála- ja dearvvasvuođahoavda Máret Inga Henriksen, várregielddahoavda ja čuvgehushoavda Rune Seim ja kulturhoavda Margrethe Ballo.

Politihkkáriiguin ságastalle maiddái eahpeformálalaččat, ja dán ságastallamis ledje mielde gielddahoavda guoktá Päivi ja Jørgena lassin ságadoalli Jon Erland Balto, várreságadoalli Anna Oliva Taksgård, gielddaráđđehusa lahtut Stian Hansen ja Fred Johnsen ja Ohcejogas váldostivrra ságadoalli Mika Aikio ja gielddaráđđehusa lahtut Riikka Rasmussen ja Väinö Guttorm.

Ođđa deaivvadeapmi ordnejuvvo loahppagiđa Deanus. Ođđajagimánu maŋimuš vahkus Ohcejogas galledit Kárášjoga gieldda ovddasteaddjit.