Ohcejoga gieldda guovlluguovdasaš galbema oppalašplánaid ovdanbuktindilálašvuođat

Buresboahtin Ohcejoga gieldda guovlluguovdasaš galbema oppalašplánaid ovdanbuktindilálašvuhtii!

Lappi eallinvuoibmeguovddáš, Giema, Giemaeatnama, Durdnosa, Roavenjárgga, Simo, Tervola, Soađegili, Anára ja Ohcejoga gielddat ráhkadit galbbaid oppalašplána eatnangeaidnofierbmái ja gáhttafirpmiide.

Plánenguovlu álgá Simo gielddas ja ollá Ohcejoga gildii sihke Suoma, Ruoŧa ja Norgga gaskasaš rájiide.

Plánemii leat oassálastán gielddaid lassin Sámediggi, Jođáhatvirgedoaimmahat, Lappi buresbirgenguovlu, Lapin lennosto, Jeagárbrigáda, Rádjebearráigeahčču ja Finavia.

Galbema nammarádju, mii plánain geavahuvvo, lea dárkkistuvvon Ruovttueatnan gielaid guovddáža nammarádjonevvohagas, Eananmihtidanlágádusa nammarádjobuvttadusas ja Sámedikki sámegiela doaimmahagas.

Plánema ulbmilin lea duddjot galbema jotkkolašvuođa ja ovttaiduhttit galbema oktavuohtagaskaplánii geaidnoossodagain váldogeainnus 4 Oulu-Ohcejohka ja váldogeainnus 29 Giepma-Duortnus. Váldo- ja máttageainnuid čuozáhagat leat vuođđun eará eatnangeaidnofierpmi ja gáhttafirpmiid galbenplánemii.

Áramuttus álggahuvvon galbenplánemis sáhttá váldojuvvot vuhtii galbema oktilašvuohta ja dárbbut sihke unnidit maŋit plánenmuttus fuomášuvvon váilevašvuođaid. Guovlluguovdasaš galbenplána sáhttá dahkat vejolažžan ovttaskas mearkka ođasteami ulbmildili mieldásažžan dábálaš bajásdoallanproseassa dehe mearkka billahuvvama olis. Boahtteáiggis galbemis sáhttá dihttot eahpejotkkolašvuohta, dassá go galbema ulbmildilli lea joksojuvvon ruhtadeami olis.

Sámegiela riektatvuohta galbemis

Nammaráju riektatvuohta, mii geavahuvvo Sámi ruovttuguovllu mearkkain ja mearkkain adnojuvvon sámegiella dehe sámegielat dárkkistuvvojit dáhpáhusguovdasaččat. Sámegiella/-gielat válljejuvvojit mearkka sajádatbáikkis hubmon sámegiela/-gielaid mielde. Dáhpáhusguovdasaččat sáhttet geavahuvvot eanet sámegielat ovttaáigásaččat báikenammamearkkain, juos dat leat teknihkalaččat ja johtolatdorvvolašvuohta vuhtii válddedettiin vejolaš.

Sámegielat galben dárkkistuvvo Sámedikki sámegiela doaimmahagas. Sámi giellaráđđi (Sámediggi) mearrida ja dohkkeha sámiid ruovttuguovllu Lappi guvlui galbenplánaid sámegielat galbema nammaráju ja giela. Sámi giellaráđđi mearrida eanet sámegielat sisdoalli mearkkaid sámegielaid ortnega.

Dilálašvuođat čađahuvvojit Ohcejoga gielddas Gáregasnjárggas ja Ohcejoga girkosiiddas. Dilálašvuođas ovdanbuktojuvvojit prošeavtta plánahápmosat. Plánahápmosiidda sáhttá oahpásnuvvat, ságastallat ja buktit dain ovdan iežas oainnuid, mat vejolašvuođaid mielde váldojuvvojit vuhtii plánemis.

Dilálašvuohta lea rabas buohkaide sámiid ruovttuguovllu orruide ja earáide áššiin beroštuvvan olbmuide. Dilálašvuođaide ii dárbbaš dieđihit iežas.

Gáregasnjárga
Gáregasnjárgga máŋggadoaimmadállu, Ylätenontie 324
gaskavahkku 18.2.2026 dii 16.30

Ohcejohka
Ohcejoga gielddadállu, stivrrasále, Luossa 1
duorastaga 19.2.2026 dii 16.30

Prográmma

Lappi eallinvuoibmeguovddáža ja Sámedikki sámegiela doaimmahaga ovttasbargu -ovdanbuktin

Lappi guovlluguovdasaš galbema oppalašplánen: Ohcejohka ovdanbuktin

Sámegiela riektatvuohta galbemis – ovdanbuktin

Gažaldat

Ságastallan plánaid olis

Dilálašvuođa loahpaheapmi d. 18.00

Lassidieđut

https://vayla.fi/lapin-alueellinen-viitoituksen-yleissuunnittelu

Prošeaktahoavda Jutta Kaisanlahti, Lappi eallinvuoibmeguovddáš, jutta.kaisanlahti@elinvoimakeskus.fi

Giellaáššiidčálli Marko Marjomaa, Sámedikki Sámegiela doaimmahat, (sámegiel namaid lassidieđut), marko.marjomaa@samediggi.fi