Ohcejoga gieldda olles bargoveaga guoskevaš ovttasdoaibmanráđđádallamat čađahuvvojedje lohppii: Giige ii eretcelkojuvvo

Ohcejoga gielddaráđđehus loahpahii ovttamielalaččat olles bargoveaga guoskevaš ovttasdoaibmanráđđádallamiid čoahkkimis 10.6.2025.

Gielddaráđđehus mearridii cuoŋománu loahpas álggahit ovttasdoaibmanlága mielde olles bargoveaga guoskevaš ovttasdoaibmanráđđádallamiid buvttadan- ja ekonomalaš sivaid geažil ekonomiija dássema várás. Ráđđádallamiin ulbmilin ledje bissovaš seastimat.

Guhtta vahku guhkkosaš ráđđádallamiid áigge oktasaš ráđđádallamat dollojuvvojedje oktiibuot njealje cuoŋo- ja miessemánu áigge. Dasa lassin bargoaddi- ja bargoveaga ovddasteaddjit leat čoahkkanan guktii iežaset ráđđádallamiidda.

Maŋimuš ovttasdoaibmanráđđádallamis miessemánu loahpas bargoaddi ovddasteaddjit gávnnahedje, ahte ráđđádallamat leat čađahuvvon lohppii ja ahte ráđđádallanevttohus gieđahallojuvvo gielddaráđđehusa čoahkkimis 10.6.2025. Gielddaráđđehussii ovdanbuktui čoahkkimis ráđđádallanjoavkku evttohus doaimmaid ja virggiid vuođđudeamis ja heaittiheamis ja maid ráđđádallanevttohus, mas bohtet ovdan heiveheami ja seastimiid doaimmalaš ja bargoveahkaváikkuhusat

Gielddahoavda Päivi Kontio lea duđavaš, ahte ráđđádallamat čađahuvvojedje buori vuoiŋŋas. Maiddái gielddaráđđehussii bukton ráđđádallanevttohus dahkkojuvvui ovttamielalaččat sierra lihtuid ovddasteaddjiiguin.

– Erenomáš stuorra giitosat bargoveaga luohttámušolbmuide, geaiguin ságastallamat čađahuvvojedje vuorrováikkuhusain, giitá Päivi Kontio. – Dasa lassin oaččuimet bargoveagas buriid jurdagiid ja čovdosiid oktasašseastimiidda, mii oasistis lea álkidahttán seastinčuozáhagaid kártema.

– Badjel 600 000 euro seastinmihttomearrái beassat ovdaevttohusa mielde almmá eretcealkimiid go ođđasit organiseret bargguid, nuppástahttit bargogovaid ja rievdadit bargguid oasseáigásažžan ja rievdadit olles organisašuvnna doaimma buorebun.

Gielddaráđđehus lei iežas mearrádusas ovttamielalaš. Čavga seastindoaimmat joatkašuvvet, boađut ohccojuvvojit ja giddodatgoluide ohccojuvvojit čovdosat.

Lassedieđut

Gielddaráđđehusa ságadoalli
Väinö Guttorm
040 503 1574
vaino.guttorm@utsjoki.fi

Gielddahoavda
Päivi Kontio
040 744 7630
paivi.kontio@utsjoki.fi