Ohcejoga gieldda ruhtadoarjaohcan servviide, servošiidda ja eará doaibmiide lea rabas 15.4.-4.5.2025

Ohcejoga gielda doarju jagis 2025 servviid, servošiid ja eará doaibmiid 5000 euron.

Doarjuma ulbmil

Ohcejoga gielda atná searvedoaimma gielddas dehálažžan. Aktiivvalaš searvedoaibma ovddida gieldalaččaid buresveadjima ja doarju gieldda eallinfámu. Ohcejoga gielda sikte searveovttasbargguin dasa, ahte searvvit ja servošat ordnejit okto ja ovttas gielddain iešguđegelágan dáhpáhusaid ja asttuáigge- ja áhpásmandoaimmaid. Gieldastrategiija Buorre eallit Ohcejogas deattuhusa oktan ulbmilin lea movttiidahttit goalmmát sektora ja ovddideami, mii badjána ássiid dárbbuin. Dát lasiha giliservošiid buresveadjima ja oassálastima.

Ruhtadoarjagat, mat juolluduvvojit

Gielda juolluda ruhtadoarjagiid, mat dorjot ohcejohkalaš searve- ja álbmotdoaimma ja movttiidahttet gieldalaččaid searvvušlaš doaimmaide. Ruhtadoarjagat juolluduvvojit ohcejohkalaš dahje Ohcejogas doaibmi servviide, vuođđudusaide ja servošiidda sihke fuolahandoarjaga maid fitnodagaide. Giela juolluda ruhtadoarjagiid jahkásaččat dan mielde, man olu mearreruhta lea geavahanláhkai. Ruhtadoarjagat juolluduvvojit gieldda oktasaš doarjjaohcamis. Dat ordnejuvvo oktii jagis. Ovtta ruhtadoarjaga ohccái doarjja juolluduvvo dábálaččat dušše ovttalágan geavahanulbmila várás.

Ruhtadoarjagat, mat juolluduvvojit doarjjaohcamis

1. Doaibmandoarjja

Doaibmandoarjaga sáhttá ohcat registrerejuvvon searvvi dahje vuođđudusa njuolggadusmearriduvvon doaimmaide, doaimmaide doaibmaplána mielde dahje doaimma álggahangoluide. Maiddái nuoraid doaibmanjoavkkut sáhttet ohcat doaibmandoarjaga. Ruhtadoarjja ii juolluduvvo servviid investeremiidda dahje ekonomalaš doaimmaide, guovddášservviide dahje dan várás, ahte dat juhkkojit ovddosguvlui.

Doarjjaohcamušas galgá čilget, guđelágan doaimmaide doarjja ohccojuvvo. Ohcamušas galgá suokkardallat, mat golut ruhtadoarjagiin gokčojuvvojit (omd. vuođđodoaibma, dáhpáhusat). Ruhtadoarjaga vuostáiváldi oažžu ordnet dárbbu mielde eaktodáhtolaš ruhtačoaggima.

Ruhtadoarjaga ii leat lohpi geavahit investeremiidda dahje giddes opmodaga háhkamii iige alkoholagoluide.

Ohcamuša čuovusin galgá doaimmahit searvvi ođđasamos doaibmačilgehusa, ruhtadoalloloahpaheami, ruhtadoallo-/ doaimma dárkkistančilgehusa, doaibmaplána ja bušeahttaárvalusa. Ođđa ohcci galgá laktit ohcamuššii maid searvvi njuolggadusaid.

2. Čuozáhatdoarjja

Čuozáhatdoarjaga sáhttet ohcat ohcejohkalaččat dahje Ohcejogas doaibmi servošat. Čuozáhatdoarjja juolluduvvo dáhpáhussii, prošektii, smávvaháhkama dahje sullasaš ovtta doaimma ollašuhttima várás. Čuozáhatdoarjagat leat maid buresveadjima dahje dearvvasvuođa ovddidandoarjagat.

Doarjjaohcamušas galgá čilget, guđelágan doaimmaide doarjja ohccojuvvo. Ohcamuša čuovusin galgá laktit doaimma plána ja golloárvvoštallama das, man várás ruhtadoarjja ohccojuvvo. Golloárvvoštallamis galget lassin čielgat eaktodáhtolaš ruhtačoaggima ruhtaoassi ja eará ruhtadangáldut.

Ohcamuša čuovusin galgá doaimmahit searvvi ođđasamos doaibmačilgehusa, ruhtadoalloloahpaheami, ruhtadoallo-/ doaimma dárkkistančilgehusa, doaibmaplána ja bušeahttaárvalusa. Ođđa ohcci galgá laktit ohcamuššii maid searvvi njuolggadusaid.

3. Fuolahandoarjja

Ruhtadoarjja lea dárkkuhuvvon geavahangoluide, mat šaddet gilidoaibmagottiid ja valáštallanservviid eaktodáhtolaš barggus fuolahit dálvevaláštallanbáikkiid ortnegis.

Ruhtadoarjaga sáhttá juolludit maid servviide, mat fuolahit čuoiganláhtuin. Láhtut galget leat dakkárat, maid buohkat sáhttet friija geavahit.

Juolludanvuođustusat

Ruhtadoarjagat juolluduvvojit guorahallama mielde. Ruhtadoarjagiid juolludeamis deattuhuvvojit aktiivvalaš ja plánejuvvon doaimmat, mat lasihit gieldalaččaid buresveadjima ja gieldda eallinfámu. Ruhtadoarjaga ii sáhte ohcat seamma doibmii, masa gii nu eará lea juo juolludan ruhtadoarjaga. Ruhtadoarjagiin ordnejuvvon doaimmain ii galgga geavahit gárrenávdnasiid.

Ruhtadoarjagiid juolludeami mearrida bargojoavku, masa gullet buresveadjin- ja eallinfápmohoavda ja ekonomiijačálli.

Ruhtadoarjagiid juolludeamis váldojit vuhtii

• doaimma mearkkašupmi ja váikkuhus Ohcejogas
• doaimma kvalitehta, viidodat, plánen ja ulbmildiđolašvuohta
• doaimma aktiivvalašvuohta ja jeavddálašvuohta
• gieldagova buorideapmi
• ovttasbargu gielddain ja eará servviiguin

Registrerejuvvon servviide ruhtadoarjaga oažžuma eaktun lea čálihit sisa ja beaividit dieđuid lahella.fi-neahttabálvalussii. Lassin searvvi dieđut galget leat beaividuvvon Pateanta- ja registrerenhálddahusa searveregistaris. Searvvis galgá leat maid iežas báŋkokontu, gosa ruhtadoarjja máksojuvvo.

Ohcejoga gieldda doarjun dáhpáhusaid birra galgá almmuhit Ohcejoga gieldda dáhpáhuskaleandaris.

Sáhtát deavdit ohcamuša dáppe.

Lassedieđut:

Tanja Lepistö

Eeallinfápmohoavda

tanja.lepisto@utsjoki.fi

0400 151294