Ohcejoga gieldda váldostivra dohkkehii 22.5. diimmá ruhtadoalloloahpaheami

Váldostivrabaji, mii lea nohkamin, maŋimuš váldostivrra čoahkkináššit mannojedje johtilit čađa 22.5.2025. Váldostivra dohkkehii diimmá ruhtadoalloloahpaheami ja ruhtadoallodárkkistančilgehusa. Gielddahoavda ja doaibmasuorgehoavddat gieđahalle diimmá áššiid guhtege iežaset doaibmasuorggi oasil. Gieldda ruhtadoalloloahpaheapmái bázii 82 200 euro vuollebáza.

Eallinfápmo- ja teknihkalaš lávdegottis geahpeduvvojedje lahtut čieža lahttui ovddit ovcci lahtu sadjái.

Váldostivra dohkkehii almmá sáhkavuoruid Utsjoen Hyvinvointikiinteistöt Oy vuođđudeami. Ohcejoga gielda oamasta 100 proseantta fitnodatsearvvis. Gieldda čatná fitnodahkan rievdadeami geatnegasvuohta, go dat láigoha Lappi buresveadjinguvlui giddodagaid ja lanjaid. Gielddahoavda oaččui fápmudusa vuolláičállit fitnodatsearvvi vuođđudansoahpamuša.

Almmá sáhkavuoruid dohkkehuvvui maiddái gieldda konseardnaráva ja sisáibmoplána. Maiddái guhkes áigge lávvaprošeavttat gárvvásnuvve, go Gáregasnjárgga sajádatlávva ja Ohcejoga sajádatláva nuppástus ja viiddideapmi dohkkehuvvojedje. Ohcejoga girkosiidda lávvaválmmaštallan gearggai nuppelotjahkásažžan, dan válmmaštallan válddii sullii 14 jagi. Olbmot spežžo gieđaid mearrádussii sáles.

Gieldapolitihka guođđi gielddaáirasat giite váldostivraguimmiideaset buori ovttasbarggus ja sávve ahte ođđa váldostivra joatká ovttasráđiid gieldda áššiid dikšuma boahttevaš jagiid áigge.

Čoahkkima beavdegirji (pdf)

Lassedieđut

Gielddaráđđehusa ságadoalli
Arto Pohjanrinne
040 770 3986
arto.pohjanrinne@utsjoki.fi

Gielddahoavda
Päivi Kontio
040 744 7630
paivi.kontio@utsjoki.fi