Gr 31.3.2026: Ohcejoga gielddaráđđehus čoahkkana vuolláičállit jagi 2025 ruhtadoalloloahpaheami
30.3.2026
Ohcejoga gielddaráđđehus čoahkkana 31.3.2026 gieđahallat diimmá ruhtadoalloloahpaheami. Jagi 2025 ruhtadoalloloahpaheamis lei 600 051,16 euro vuollebáza. Álgoálgosaš bušeahttaárvalusas meroštallon jagi 2025 árvvoštallon vuollebáza lei 318 012 euro. Doaibmagolut ledje 9 789 397,41 euro, dat ollašuvve ekonomiijaplána ektui 97,9 %. Doaibmabuvttadusat ledje 4 066 798,97 euro, ekonomiijaplána ektui ollašupmi lei 100,3 %. Gielddaráđđehussii evttohuvvo, ahte dat dohkkeha ja vuolláičállá jagi 2025 ruhtadoalloloahpaheami. Gielddaráđđehus evttoha ruhtadoalloloahpaheami ain dárkkistanlávdegoddái ja váldostivrii dohkkehanláhkai.
Gielddaráđđehus nammada Ohcejoga gieldda ovddasteaddji ja várreovddasteaddji Riikkaidgaskasaš turismma ovddidanbálggis -projeavtta stivrenjovkui. Ohcejoga gieldda ja báikkálaš turismafitnodagaid ja doaibmiid oktasaš turismaprojeakta lea álgán ođđajagimánus 2026. Ulbmilin lea ovddidit Ohcejoga turismma geasuhusa nu, ahte váldodeaddu lea riikkaidgaskasaš turismma ovddideamis. Projeakta bistá juovlamánnui 2027.
Čoahkkima áššelistu (pdf)
Lassediehtu
Gielddaráđđehusa ságadoalli
Vuokko Tieva-Niittyvuopio
0400 933 754
vuokko.tieva-niittyvuopio@utsjoki.fi
Gielddahoavda
Päivi Kontio
040 744 7630
paivi.kontio@utsjoki.fi