Ohcejoga gielddaráđđehus dohkkehii guokte gieldda eallinfámu ovddideapmái laktáseaddji fitnu

Ohcejoga gielddaráđđehus čoahkkanii  24.9.2025. Čoahkkimis gieđahalle guokte fitnu, mat laktásit eallinfámu ovddideapmái.

Luossaguovddáš 2 -fitnus kártejit ja nannejit oamastanvuođu, válljejuvvo organisašuvdna- ja ruhtadanmálle ja álget plánet huksema. Dan lassin álggahuvvo doaimma ja sisdoaluid plánen ja álget bidjat gaskaboddosaččat oaidnin láhkai dakkár materiála, mii jo gávdno. Beannot jagi bisti fitnu 122 500 euro golut ruhtaduvvojit riikkabeivviid juovlaskeaŋkaruđain Lappi lihtu bokte.

Gielddaráđđehus attii álggahanlobi maiddái guovtte jagi, riikkaidgaskasaš turismma ovddideapmái laktáseaddji fidnui, masa lea ohccojuvvon EAKR-ruhtadeapmi Lappi lihtus. Čoahkkimis jienastuvvui ášši sirdimis čuovvovaš čoahkkimii, muhto álggahanlohpi mieđihuvvui jienaiguin 5-2.

Skuvlanuoraidbargi bálkáheapmi dohkkehuvvui. Gieldda asttuáiggedoaibma lea ožžon AVI:s 40 000 euro veahkkeruđa skuvlanuoraidbargi bálkáheami várás. Maiddái Gáregasnjárgga skuvlla viiddis erenomášoahpaheaddji virggi muhttin erenomášluohkáoahpaheaddji virgin dohkkehuvvui.

Čoahkkima beavdegirji (pdf)

Lassedieđut

Gielddaráđđehusa ságadoalli
Vuokko Tieva-Niittyvuopio
0400 933 754
vuokko.tieva-niittyvuopio@utsjoki.fi

Gielddahoavda
Päivi Kontio
040 744 7630
paivi.kontio@utsjoki.fi