Ohcejoga gielddaráđđehus gieđahalai boahtte jagi bušeahttaárvalusa čoahkkimis 2.12.

Gielddaráđđehus gieđahalai čoahkkimis 2.12. boahtte jagi bušeahttaárvalusa ja lassin golmma čuovvovaš jagi ekonomiijaplána. Gieldda ekonomalaš dilli lea hástaleaddji, nuba seasttuid ja doaimma beavttálmahttinvugiid leat ohcan juohke doaibmasuorggis. Čuovvovažžan bušeahttaárvalusa gieđahallá váldostivra.

Gieldastrategiija mielde gielddas galgá ovddidit jođiheami, hoavdabarggu ja bargiid buresveadjima ja máhtu. Gielddaráđđehus dohkkehii dán čavčča gárvvistuvvon buresveadjinplána, masa leat čállojuvvon bargoburesveadjima ulbmilat, doaibmabijut ja mihttárat. Mearrideaddjiide raporterejuvvo jahkásaččat das, mo ulbmilat leat ollašuvvan ja makkár váikkuhus doaibmabijuin lea leamašan.

Gielddaráđđehus dohkkehii oktasašgeavahanbiilla háhkama 12 mánotbaji pilohttaáigodahkii. Oktasašgeavahanbiilla geavaheapmi testejuvvo jagi áigge, dasgo lea buorre figgat gávdnat ođđa čovdosiid, maiguin fidnet ekonomalaš seasttuid. Eará áiggiid, go gieldda bargit eai geavat biilla, biilla sáhttet láigohit gieldalaččat, mátkkálaččat ja earát, geat dárbbašit biilla.

Ohcejoga gieldda oassálastin Lappi filbmakommišuvnna ruhtadeapmái Tunturi-Lapin Kehitys ry vuollásažžan dohkkehuvvui evttohusa mielde. Ohcejoga gieldda oassálastima eaktun lea, ahte gieldda ruhtadanoassi lea jagi 2025 álggu rájes eanemustá 4300 euro/ jagis.

Gielddaráđđehusa čoahkkima beavdegirji (pdf)

Lassedieđut:

Gielddaráđđehusa ságadoalli
Väinö Guttorm
040 503 1574
vaino.guttorm@utsjoki.fi

Gielddahoavda
Päivi Kontio
040 744 7630
paivi.kontio@utsjoki.fi