Ohcejoga gielddaráđđehus gieđahallá boahtte jagi vearroproseanttaid 21.10.2025

Ohcejoga gielddaráđđehus gieđahallá boahtte jagi vearroproseanttaid 21.10. čoahkkimis. Dán jagi dienasvearroproseanta Ohcejogas lea leamaš 8,4, goas boahtovearru lea árvvoštallojuvvon čoggot sullii 2,15 miljovnna euro. Heajos ruhtadilis fuolakeahttá boahtte jahkái evttohuvvo, ahte dienasvearroproseanta bisuhuvvo dán jagi dásis.

Oassái giddodatvearroproseanttaide evttohuvvo smávva bajideapmi. Gielddaráđđehus evttoha váldostivrii jagi 2026 giddodatvearroproseanttaide bajádusaid ná: dábálaš vistti ja dábálaš eanavuođu giddodatvearru bajiduvvo 1,30:s 1,40:i. Eará giddodatvearuide eai evttot rievdadusaid.

Čoahkkimis mearriduvvo maiddái sámegielaid gáiddusoktavuođaid ávkkástalli oahpahusprošeavtta joatkkaruhtadeamis. Oahpahus- ja kulturministeriija lea juolludan doarjaga Ohcejoga gieldda ja Sámedikki oktasaš, Ohcejoga gieldda hálddašan prošeavtta joatkimii áigodahkii 1.6.2025-31.7.2027. Eará láhkai go ovdal, de lea prošeakta dál ožžon guovtti jagi doarjaga.

Čoahkkima áššelistu (pdf)

Lassedieđut

Gielddaráđđehusa ságadoalli
Vuokko Tieva-Niittyvuopio
0400 933 754
vuokko.tieva-niittyvuopio@utsjoki.fi

Gielddahoavda
Päivi Kontio
040 744 7630
paivi.kontio@utsjoki.fi