Ohcejoga gielddaráđđehus mearrida nuppástusráđđádallamiid joatkkadoaimmain čoahkkimisttis 18.8.

Ohcejoga ođđa gielddaráđđehus oažžu mearridanláhkai guhkes listtu áššiid vuosttas čoahkkimisttis 18.8.2025. Áššelisttus leat ollu ortniiduvvamii ja nammadeapmái laktáseaddji áššit, muhto maiddái nuppástusráđđádallan áššit mat gusket bargoveaga. Namahusat ođasmuvvet seammás, go bargogohččosiid ođasmahttit.

Nuppástusráđđádallamiid mearrádusa mielde evttohuvvo ahte eallinfápmo- ja teknihkalaš doaibmasuorggi ovttastahttit ovddidan- ja birasdoaibman. Dán doaibmasuorggi njunušin evttohit vuođđuduvvot ovdánahttinhoavdda virggi, seammás go eallinfápmohoavdda ja giddodathoavdda virggiid evttohit heaittihuvvot. Nuppástusráđđádallamiid boađusin lea heaittihuvvomin maiddái girjerádjodoaimma jođiheaddji virgi.

Áššelisttus lea jienastanguovlojuogu nuppástuhttin boahtte jagi álggus nu, ahte Ohcejoga gielda lea boahttevuođas okta jienastanguovlu. Evttohusa ákkastallet dainna ahte gieldda ássiid ja jienastanvuoigatvuođalaččaid mearri lea geahppánan ja seastit goluin.

Davvi-Lappis leat álggaheamen guovlluguovdasaš oahppoloatnabuhtadusiskkadallama. Davvi-Lappi guovloovttasbarggu gieldaovttastupmi lea válmmaštallan ášši earet eará dan málle mielde mii Norggas lea geavahusas, ja gieldaovttastumi stivra buktá iskkadallama lahttogielddaid mearridanláhkai. Evttohuvvo ahte, Ohcejoga gielda vuolgá oahppoloatnabuhtadusiskkadallamii golmma jagi áigodahkii.

Čoahkkima áššelistu (pdf)

Lassedieđut

Gielddaráđđehusa ságadoalli
Vuokko Tieva-Niittyvuopio
0400 933 754
vuokko.tieva-niittyvuopio@utsjoki.fi

Gielddahoavda
Päivi Kontio
40 744 7 630
paivi.kontio@utsjoki.fi