Ohcejoga gielddaráđđehus mearridii boahtte jagi vearuin 21.10.2025

Ohcejoga gielddaráđđehus gieđahalai boahtte jagi vearroproseanttaid čoahkkimisttis 21.10. Ráđđehus evttoha váldostivrii, ahte jagi 2026 dienasvearru loktejuvvo 8,9 prosentii.

Oassái giddodatvearroproseanttain evttohuvvui smávva bajádus. Gielddaráđđehus evttoha váldostivrii jagi 2026 giddodatvearroproseanttaide bajádusaid ná: viesu dábálaš ja eanavuođu dábálaš giddodatvearru loktejuvvo 1,30:s 1,40:ái. Eará giddodatvearuide eai evttohuvvon nuppástusat. Bajádusat dohkkehuvvojedje ovttamielalaččat.

– Mii leat bákkohuvvon loktet vearroproseantta, dadjá gielddahoavda Päivi Kontio. – Gieldda čavga ekonomalaš dili geažil boađuid berre oažžut lasi.

Gielddaráđđehus dohkkehii gieldda ođđa bázahusfuolahusmearrádusaid ja doalvu daid ain gielddastivrra gieđahallamii. Sámegielaid gáiddusoahpahusprojeavtta joatkkaruhtadeapmi maiddái dohkkehuvvui. Oahpahus- ja kulturministeriija lea juolludan doarjaga Ohcejoga gieldda ja Sámedikki oktasaš, Ohcejoga gieldda hálddašan projeavtta joatkimii 31.7.2027 rádjai.

Eanemus čoahkkinovddasteaddjiid ságastahtii Sulládangeainnu ja Máttajávrri gaskasaš gielkágeinnodat. Kakslauttanen Arctic Resort Oy fitnodatdoalli Jussi Eiramo lea almmuhan, ahte hálida ráđđádallat gielkáluoddasoahpamuša sirdimis gieldda nammii. Gielddaráđđehus mearridii, ahte gielkáluotta sirdima válmmaštallan gildii jotkojuvvo nu, ahte gildii eai oaččo šaddat gielkáluotta sirdimis golut. Vejolaš bajásdoalu galgá gokčat geavahanmávssuiguin ja iešguđetlágan ovddasvástádusáššiid gielkáluotta bajásdoalus galgá čielggadit ovdal mearrádusa dahkama. Joatkkaválmmaštallamis vástida gielddahoavda ovttas teknihkalaš doaimmain ja evttohus buktojuvvo gielddaráđđehussii njukčamánu 2026 loahpa rádjai.

Čoahkkima beavdegirji (pdf)

Lassediehtu

Gielddaráđđehusa ságadoalli
Vuokko Tieva-Niittyvuopio
0400 933 754
vuokko.tieva-niittyvuopio@utsjoki.fi

Gielddahoavda
Päivi Kontio
040 744 7630
paivi.kontio@utsjoki.fi