Ohcejoga gielddaráđđehus mearridii nuppástusráđđádallamiid joatkkadoaimmain čoahkkimisttis 18.8.2025

Ohcejoga ođđa gielddaráđđehus čoahkkanii 18.8. ja gieđahalai guhkes listtu áššiid. – Čoahkkin manai buori vuoiŋŋas ja áššiid birra ságastallojuvvui positiivvalaččat, illuda gielddahoavda, Päivi Kontio.

– Mis ledje giđđat máŋga paragráfa nuppástusráđđádallamiid čađaheamis ja ráđđádallamiid bohtosat ollašuhttojit plána mielde. Eallinfápmo- ja teknihkalaš doaibmasuorgi ovttastahttojuvvo ovddidanjođiheaddji vuollái, ja dalle loahpahuvvojit ealáhushoavdda ja giddodathoavdda virggit. Earáge bargo- ja nammanuppástusat leat boahtimen ja doaibmagovat bohtet heivehuvvot dárbbuid mielde, muitala Päivi Kontio.

Davvi-Lappis leat álggaheamen guovlluguovdasaš oahppoloatnabuhtadusiskkadallama. Davvi-Lappi guovloovttasbarggu gieldaovttastupmi lea válmmaštallan ášši earet eará dan málle mielde mii Norggas lea geavahusas, ja gieldaovttastumi stivra buktá iskkadallama lahttogielddaid mearridanláhkai. Dás dárkilabbot maŋŋil go eará gielddaid ovttastumi lahttogielddat leat gieđahallan iskkadallama iežaset doaibmaorgánain.

Gielddastivra doalai sáttaságastallama, mii guoskkai buođu maid norgalaččat leat huksen Detnui ja maiddái buggeluosa bivdolobiid gieldda ássiide ja turisttaide boahtteáiggis. Sáttaságastallama vuođul gárvvistuvvo gieldda virggálaš cealkámuš.

Čoahkkima beavdegirji (pdf)

Lassedieđut

Gielddaráđđehusa ságadoalli
Vuokko Tieva-Niittyvuopio
0400 933 754
vuokko.tieva-niittyvuopio@utsjoki.fi

Gielddahoavda
Päivi Kontio
040 744 7630
paivi.kontio@utsjoki.fi