Ohcejoga gielddastivra dohkkehii eallinfápmo- ja teknihkalaš doaibmasuorggi ovttastahttima almmá ságastallamiid

Ohcejoga gielddastivra čoahkkimasttii soabalaččat 29.8.2025. Eallinfápmo- ja teknihkalaš doaibmasuorgi ovttastahttojedje ođđa ovddidan- ja birasdoaibmasuorgin almmá ságastallama. Maiddái eallinfápmohoavdda ja giddodathoavdda virggit heaittihuvvojedje boahtte jagi álggu rájes almmá ahte giige vuosttildii dan. Girjerádjodoaimmahoavdda virgi heaittihuvvui nu, ahte virggidikšun nohká juo 1.9. rájes.

Ođđa doaibmasuorggi njunnošii vuođđuduvvo ovddidanhoavdda virgi, mii vástida ovddidan- ja birasdoaibmasuorggis, dan hálddahusas, ekonomiijas ja hovdenbargguin.

Gielddahoavda Päivi Kontio lea duđavaš: – Mearrideimmet dál giđa nuppástusráđđádallamiin sohppon áššiid birra ja beassat gárvvistit boahtte jagi bušeahta mearrádusaid ja seastinulbmiliid mielde. Sáhttit maiddái mearriduvvon namahus- ja bargogovvanuppástusaiguin beavttálmahttit iežamet doaimma ja burgit badjálasvuođaid bargguin.

Jienastanguovlojuogu rievdadeapmi bohciidahtii gielddastivrras eanemus ságastallama. Sirdáseapmi ovtta jienastanguvlui dohkkehuvvui ovttamielalaččat, muhto ságastallamis bođii ovdan fuolla das, ahte buohkat geat hálidit jienastit beasašedje dás ovddosge jienastit. Čuovvovaš válggaide lea guokte jagi, nu ahte lea áigi vel válmmaštallat jienasteami njuovžilis čađaheami.

Huksenbearráigeahču ođđa dávssat dohkkehuvvojedje 1.9. rájes. Dávssat leat Soađegili dávssaid mieldásaččat, mii lea buorre, dasgo gielda oastá huksenbearráigeahču bálvalusaid Soađegili gielddas.

Čoahkkima beavdegirji (pdf)

Lassediehtu

Gielddastivrra ságadoalli
Mika Aikio
0400 558 391
mika.aikio@utsjoki.fi

Gielddahoavda
Päivi Kontio
040 744 7630
paivi.kontio@utsjoki.fi