Ohcejoga gielddastivra gieđahallá skuvlanuoraidbargi bálkáheami
22.9.2025
Ohcejoga gielddastivra čoahkkana 24.9.2025. Áššelisttus lea earet eará skuvlanuoraidbargi bálkáheapmi. Gieldda astoáiggedoaibma lea ožžon Lappi guovlohálddahusdoaimmahagas, AVI:s 40 000 euro doarjaga skuvlanuoraidbargi bálkáheami várás Ohcejohkii. Doarjaga geavahanáigi lea boahtte jagi lohppii. Gieldda iežasruhtadeapmi lea 10% ja prošektii ohccojuvvo álggahanlohpi 44 445 euro oppalašgoluide. Doarjagiin sáhttá bálkáhit skuvlanuoraidbargi gildii 13 mánotbadjái.
Gáregasnjárgga skuvlla viiddes máhtu sierraoahpaheaddji virggi nuppástuhttin sierraluohkáoahpaheaddji virgin. Skuvllas lea dál viiddessuorggi sierraoahpaheaddji. Sierra doarjaga ođastus boahtá fápmui 1.8.2025, ja dan mielde sierraoahpahusa lágideami ráhkadusat nuppástuvve. Ođastus eaktuda, ahte skuvllain, main lágiduvvo erenomáš doarjaga oahpahus smávvajoavkkuin, galgá leat sierraluohkáoahpaheaddji.
Čoahkkima áššelistu (pdf)
Lassedieđut
Gielddaráđđehusa ságadoalli
Vuokko Tieva-Niittyvuopio
0400 933 754
vuokko.tieva-niittyvuopio@utsjoki.fi
Gielddahoavda
Päivi Kontio
040 744 7630
paivi.kontio@utsjoki.fi