Ohcejoga nuorat seđeliin bargui

Ohcejoga gielda doarju nuoraid barggu oažžuma maid dán jagi. Gielda mieđiha nuoraidbargoseđela buot skuvlalaččaide ja oahppiide, geat leat riegádan jagiid 2006–2010 ja geain leat girjjit Ohcejogas.

Nuoraidbargoseđela árvu lea 330 euro ja seđela sáhttá ohcat nuoraidbargoseđelohcamušain. Nuorra sáhttá oažžut ovtta seđela jagis, iige dan sáhte sirdit earáide. Nuoraidbargoseđel lea fámus dán jagi lohppii.

Vuos bargobáiki, de ohcamuš

Nuoraidbargoseđela ohcci nuoras galgá leat juo ohcanmuttus diehtu bargosajis, nappo skovi ii sáhte máhcahit almmá bargoaddi dieđuid.

Bargosadji sáhttá leat searvvis, fitnodagas, Ohcejoga gielddas dahje dállodoalus ruovttu olggobealde, ii goit iežas dahje lahkasogalačča ruovttus. Bargosadji sáhttá leat maid bearašfitnodagas, muhto bearraša ruovttubarggut eai dohkke ja eaige buhttejuvvo seđeliin. Bargobáiki galgá leat Ohcejoga gielddas

Bargogaskavuohta galgá bistit unnimustá golbma vahku (30 dii/vahkus) ja bálká galgá mearriduvvot suorggi bargoeaktosoahpamuša mielde. Bálká sisttisdoallá luopmobuhtadusa.

Bargoaddi oažžu doarjaga maŋálgihtii

Bargoaddái bohtet nuorra bargi bálkáheamis maid iežas golut dahjege doarjaga meari badjel manni oassi bálkkás ja bálkká siidogolut. Nuoraidbargoseđela vástideaddji submi máksojuvvo bargoaddái maŋálgihtii ruhtačilgehusa vuostá.

Lassedieđuid

Lassedieđuid seđel birra sihke dieđu nuorra bargiide ja nuora bálkáheaddjiide gávnnat dáppe.