Ohcejoga turismabránda lea čielggasmahttojuvvon

Ohcejoga turismabránda lea čielggasmahttojuvvon ja dat lea rievdaduvvon ođđaláganin.

Turisma lea válljejuvvon Ohcejoga gieldda ealáhusstrategiijas nana ovdánansuorgin ja turismma ovddideapmái luossaturismma nohkama maŋŋá lea leamaš bággu álgit mearrediđolaččat.

Turismma ovddideami vuođđun ráhkaduvvui diibmá viiddes turismma master plan, mas válljejuvvojedje nana njunnošat márkanastimii ja ovdanbuktojuvvojedje gáibádusat turismma lasiheapmái. Dán viiddes Master plan -barggu vuođul ráhkaduvvui ođastuvvon bránda, mii váldo atnui miessemánu áigge. Brándda čielggasmahttimis vástidii lappilaš Flatlight Oy.

Turismma mearrebáikenamman seailu Explore Utsjoki, go dat lea juo dovddus ja nama sáhttá gávdnat kárttás.  Master plan -barggu áigge válljejuvvon njunušdieđáhusat Arctic Highlands, Sky and Rivers ja Ocean geavahuvvojit čiegusdieđáhussan. Turismadiehtojuohkima ja márkanastima njunnošis leat de Ohcejoga áidnalunddot mihtilmasvuođat: várddos duoddarat, sierra jagiáiggiid albmi, golgi jogat ja ránnjáriika Norgga árktalaš mearragáttit, maidda lea álki beassat.

Ođastuvvon bránda oidno gieldda turismasiidduin, sosiála media kanálain ja eará turismadiehtojuohkimis.

Lassedieđut

Eallinfápmohoavda Tanja Lepistö
0400 151 294
tanja.lepisto@utsjoki.fi