Ohcejoga váldostivra jienastii dienasvearroproseantta loktemis
7.11.2025
Ohcejoga váldostivra doalai oanehis čoahkkima 6.11.2025. Eanemusat čoahkkimis ságastahtte vearroproseanttat. Váldostivra gárttai jienastit gielddaráđđehusa evttohusas loktet dienasvearroproseantta. Gielddaráđđehus evttohii váldostivrii dienasvearu loktema 8,4 proseanttas 8,9 prosentii. Väino Guttorm evttohii Veikko Porsanger doarjagiin ahte proseanta dollojuvvo dán jagi dásis. Guttorm mielde loktejuvvon dienasvearru borrá gieldda geasuhanfámu gildii fárrejeaddjiid ja ássiid čalmmiin, eandalit go erohus ránnjágielda Anára vearroprosentii stuorru jo 2,5 prosentii. Loktenevttohus vuittii jienasteami jienaiguin 8-3. Nuba gieldda dienasvearroproseanta lea boahtte jagi 8,9, mii buktá gieldda bušehttii 120 000 euro lasi vearroboađuid.
Giddodatvearroproseanttaid lokten dohkkehuvvui evttohusa mielde. Oppalaš vistti giddodatvearru loktana 1,40 prosentii, nu maiddái oppalaš eananvuođu giddodatvearru.
– Gieldda duođaid váttes ruhtadili dihtii mearrádusat vearroproseanttaid loktemis lea riekta, dadjá gielddahoavda Päivi Kontio. – Mii fertet čájehit maiddái stáhtii ahte ohcat ieža čovdosiid ruhtadillái. Eandalit dál, go leat ohcan árvvoštallanvuloš stáhtadoarjaga.
Ohcejoga gieldda ođđa bázahusfuolahusmearrádusat ja ođđa skáhpponráva dohkkehuvvojedje. Skáhpponráva guoská maiddái gieldda vuollefitnodagaid.
Čuvgehussuorggi guokte prošeavtta dohkkehuvvojedje evttohusa mielde. Astoáiggedoaibma lea ožžon Lappi AVI:s 40 000 euro veahkkeruđa Ohcejoga skuvlanuoraidbargi bálkáheami várás. Sámegielaid gáiddusoahpahusfidnu lea ožžon 2-jagáš joatkkaruhtadeami suoidnemánu 2027 loahpa rádjai. Gáiddusoahpahusfitnu bissovažžan dahkan lea válmmaštallojuvvon ovttasráđiid Sámedikkiin.
Čoahkkima beavdegirji (pdf)
Lassedieđut
Váldostivra ságadoalli
Mika Aikio
0400 558 391
mika.aikio@utsjoki.fi
Gielddahoavda
Päivi Kontio
040 744 7630
paivi.kontio@utsjoki.fi paivi.kontio@utsjoki.fi