PROGRÁMMA NJUORGGÁN

Duorastat 3.7.2025

Sámegielat diktafestivála

Buolbmatjávri (Pulmankijärventie 1041, Nuorggán)

Diktafestivála álgá dmu 18.00. Sámegielat diktafestivála buktá oidnosii Deanuleagi rikkis čáppagirjjálašvuođa. Girječállit ieža besset lohkat iežaset divttaid čáppa Buolbmatjávri gáttis stuorra lávus. Festiválas lea maid rabas mikrofovdna, mainna buohkat besset jitnii!

Fuom! Diktafestivála lea sámegielat, dat ii dulkojuvvo suomagillii.

Almmut iežas festiválii ovddalgihtii selja.puolitaival@utsjoki.fi

Inger-Mari Aikio

Diktačálli Ima, Inger-Mari Aikio govvida su divttainisguin bottuid, mat bajidit millii dovdduid ja jurdagiid. Guldaleaddji sáhttá fuomášit, ahte náhan maid sáhttá dahkat. Vaikko eallimis lea muhtumin áigga váttis dilit, duogábealde gávdnojit boagusteapmi ja ođđa ilut. Ima orru Buolbmátjávrris ja lea čállán oktiibuot 12 girjji. Son lea buvttadan 5 sámegielat mánáidskearru. Son lea bagadan 12 musihkkavideo ja moanaid dokumeantafilmmaid. Dan lassin Inger-Mari Aikio lea oassálastán máŋgii diktafestiválaide ja eará girjjálašvuođadáhpáhusaide Sámis, Suomas ja olgoriikkain. Aikio divttat leat jorglauvvon s. 20 gillii ja son vuittii Mánáidkultuvra stáhtabálkkašumi jagis 2015.

Niillas Holmberg

Niillas Holmberg (r. 1990) lea bálkkašuvvon deatnulaš girječálli, giehtačálli ja musihkkár. Son lea olggosaddán romána, diktačoakkáldagaid ja esseaid. Holmbergii geigejuvvui Eino Leino bálkkašupmi 2023, lávdegotti ákkaid mielde bálkkašupmi mieđihuvvo Holmbergii su barggustis máŋggagielat diktačállin, deaivil politihkalaš dáiddárin sihke miela, giela ja luonddu oktavuođa muitaleaddjin. Holmberg lea čállán guhkes fikšuvdnafilmma Je’vidan ovttas Katja Gauriloffiin. Holmberg dovdat sápmelaččaid ja eamiálbmogiid iešmearridanvuoigatvuođa bealušteaddjin.

Niilo Aikio

Niilo Aikio, Jávrri-Juhán Niillas  (86-j.) lea čállán diehtogirjji eváhko birra, njealje noveallačoakkáldaga, ovtta romána ja dál son čállá maid divttaid ja lávllateavsttaid. Niilo Aikio dovdat buoremusat Nigá girjeráiddu noveallain. Nigá-nammašas sámebártni mánnávuođa ja nuorravuođa dáhpáhusat sajáiduvvet 1940–50-loguide. Girjji 25 novealla vuođđuduvvet duođalaš dáhpáhusaide. Girječálli Niilo Aikio lea ieš eallán dego girjji váldopersovdna Nigá mánnávuođa ja nuorravuođa Buolbmátjávrris. Aikio orru dál Ohcejogas.

Saia Stueng

Norgga Kárášjogas jagis 1993 riegádan Saia Stueng lea válmmaštuvvan sámi girjjálašvuođadiehtaga magisttarin Norgga árktalaš universitehtas (UiT). Dál son lea doavttergráda studeantan Guovdageainnu Sámi allaskuvllas. Son lea bargan logahaga sámegiela oahpaheaddjin ja searvan Sámi girječálliid searvvi ja Sámedikki girječállioahpuide. Stueng almmustahtii iežas vuosttasdáiddaduoji Hamburgerprinseassa 2017. Hamburgerprinseassa – Eallá dušše oktii lea nubbi girji váldopersovdna Márena birra, ja dan sáhttá lohkat maiddái iehčanas dáiddaduodjin.

Beaska Niillas

Beaska Niillas lea Norgga Hilláguras eret. Son lea duojár, bivdi ja olmmošriekteaktivista. Dasa lassin son lea neaktán filmmain ja teáhteris. Son čállá divttaid, maid lea lohkan iešguđetlágan dilálašvuođain Sámis.

PROGRÁMMA GÁREGASNJÁRGA

Bearjadat 4.7.2025

Geassebeaivi Gáregasnjárggas

Gilidálu Sáivvu šilljus (Ylätenontie 33, 99950 Gáregasnjárga)

Buresboahtin ávvudit geassebeaivvi Gáregasnjárgga Gilidállu Sáivui bearjadaga 4.7.2025 olles beaivái!

dmu 13.00 Ovdanbuktin olles bearrašii, ovdanbukti almmuhuvvo maŋŋá

dmu 13.30 Bagadallon doaimmat mánáide, lášmmohallan ja bargobájit

Vietnamlaš borramuš deaivá Sámeeatnama, boradeami haddi 5 euro

dmu 16.00 Gáregasnjárgga mánát loaiddastit ovttas Suvi Niittyvuopioin

dmu 16.30 Allsång på Gáregasnjárga: Sámegielat oktasašlávlagat Terje Tretnesa jođihemiin

dmu 19.00 Luttinen Stand-Up Magic: Lávdeprográmmii lea ovttastuvvon hávskes komihkka ja imaštuhtti tiiddat. Restoráŋŋa Hansa Báras.

PROGRÁMMA OHCEJOHKA

Lávvardat 5.7.2025

Mu ráhkis ♥ Ohcejohka -festivála

Gieddemielli (Nuorgamintie 1, Ohcejohka)

dmu 12.00 Ohcejoga gieldda dearvvuođat

dmu 12.15 Sámi Jienat koara

Sámi Jienat lea badjel 20 jagi stáhta rájáid badjel doaibman goarra, mii ovdanbuktá árbevirolaš ja modeardna luođi ja sámegielat sálmmaid iešguđet hámiin. Sámi Jienat lea ođasmahttán sápmelaš goarramusihka ja dat lea dahkan ovttasbarggu máŋggaiguin dovddus sámemusihkkáriiguin ja šuokŋadahkkiiguin.

dmu 13.00 Gáva-Áslat Laura: Ohcejoga ártnat luohtekonsearta

Laura Tapiola lea áiddo oahpuin gárvánan ohcejohkalaš musihkkapedagoga, guhte loahppabarggus olis ozai arkiivvas Ohcejoga guovllu sogaid luđiid ja máhcahii daid ruovttoluotta sámeservošii. Son lea buktán oidnosii maiddái ealli juoiganárbevieru Ohcejoga olbmuid ođđa luđiid oahpahallama bokte. Dego áigi livččii čiehkan luđiid, ártnaid maid máttarvánhemat leat guođđán, mat nannejit dološ ja boahttevaš buolvvaid gaskasaš oktavuođa. Laura Tapiola luohtekonsearta ovttastahttá ođđa ja boares luđiid ollisvuohtan, mii láide guldaleaddjiid vássánáiggis dálá áigái.

dmu 13.30 Semen Bolshunov

Semen Bolshunov lea Anára Suoločielggis guhkká ássan gielddasápmelaš musihkkár, dáiddár, duojár ja boazodoalli, guhte máhttá gielddasámiid árbevirolaš luv’t-lávluma ja čottalávluma.

dmu 14.00 Mihku Ilmára Mika Petra: Máilmmi Šuoŋat Café Kákáos

90-logu sámerádio guldaleaddjiid guoimmuhedje iešguđetlágan eamiálbmot- ja máilmmimusihkkaprográmmat, maid láidesteaddjin doaimmai Mihku Ilmára Mika. Boares beaiveprográmmat máhccet, go Mihku Ilmára Mika Petra čuojaha boares, ođđa ja retro klassihkkáriid Gieddemielli geasserádios.

dmu 15.00 Aleksi Ahlakorpi Stand-up

Home River Media fállá ”Jagi láddelaš” Stand Up show MÁILMMI VUOSTTASEAHKEDA Ohcejohka Šearrá kulturfestiválas. Aleksi Ahlakorpi lea guovttegielat komihkkár ja Ohcejogas eret. Guovtti kultuvrra gaskkas bajásšaddan Ahlakorpi guorahallá sihke suopmelaš ja sápmelaš kultuvrra seamma áigge siskkobealde ja olggobealagin. Ahlakorpi standupis ovttastuvvet radikála sátnestohkosat oanehaš onelineraid (spivkkaid) hámis ja maid guhkit, mátta ja davi earuid ja almmáivuođa suokkardalli fearániid hámis. Ruhtadeaddjit: Home River Media ja ISFI (International Sámi Film Institute)

Fuom! Ovdanbuktin lea davvisámegielat ja dat ii dulkojuvvo suomagillii. Ovdanbuktin govvejuvvo ja almmustahttojuvvo maŋŋá SápmiFilm-neahttarávdnjenbálvalusas. Geahččit sáhttet oidnot govvemiin. Oassálastimiin dohkkehat dan, ahte sáhtát oidnot vurkejumiin.

dmu 16.00 Lávre

Lávre lea nuorra sámi artista, juoigi ja musihkkár, ja lea Guovdageainnus eret. Fárrolágaid árvvusadnon musihkkáriid nástejoavkkuin, ja gelddolaš visuála showain, guorahallá Lávre sámi musihkkamáilmmi ođđa impulssaid.  

Luohti ja lávlla leat su eallimusihka guovddážis; muhtumin son ovdanbuktá okto gitárain ja effeavttaiguin, muhtumin fas ovttas máŋggabealat musihkkáriiguin. Lávrre persovnnalaš, dutki, muhto sajáiduvvan šuokŋa lea ožžon inspirašuvnnas siskkáldas leabuhisvuođas ja eallima imašlaš mosaihkas ja váldá váikkuhusaid temáin, mat leat dávjá veháš oaidninguovllu olggobealde.

dmu 17.00 Girjái – dekolonialisttalaš queer-utopiija

Girjái lea radikála dekolonialisttalaš queer-utopiija: searvvušlaš ovdanbukti čoahkkaneapmi, mii lágiduvvo lávus. Eallit jagi 2074, 50-jagi váldegomiheami maŋŋá. Buotlágan ráhkaduslaš soardin lea nohkan, iige dakkár máilbmi leat šat makkárin dan ovdal dovddaimet. Dattege niegadeapmi ja radikála illu dárbbašuvvo ain. Mii bivdit du niegadit minguin dekolonialisttalaš queer -lávvui, mainna johtigođiimet váldegomiheami maŋŋá.

Girjái čohkiida luđiin, dánssas, muitalusain, musiseremis, alter-egoin ja ovttas niegadeamis. Dat lea oamastuvvon erenomážit arvedávgesámiide ja BIPOC gueer -olbmuide buot áiggiin; ovddežiidda, dálážiidda ja boahttevaččaide, muhto áibbas buohkat leat buresboahtán. Ovdanbuktimis hállo davvisámegiella, suomagiella ja eaŋgalasgiella.

We are still here – and we are still queer.

Ovdanbuktin bistá sullii 1,5 diimmu, giellan davvisámegiella, suomagiella ja eaŋgalasgiella.

Bargojoavku: Ritni Ráste Pieski, Biret-Iŋgá Pieski, Pessi Jouste, Aju Jurvanen, Helmi Hagelin ja Kai Mikkel Balto.

dmu 19.00 Ella Marie

Festivála váldonástin oaidnit norgalaš lávlu, aktivistta ja Sámi Grand prix -vuoiti Ella Marie. Ella Marie lea geasuhan guldaleaddjiid ISÁK-joavkku karismáhtalaš njunušin ja šaddan beakkánin birra máilmmi go vuittii Norgga Stjernekamp jagis 2018. Davviriikkaid turneastis Ella Marie ovdanbuktá duostilis ja váimmolaš bihtáidis, maid juohke nuohtas, sánuhemiin ja ovdanbuktimis boahtá ovdan rámisvuohta sámekultuvrra rikkes árbevierus.

Mu ráhkis ♥ Ohcejohka -festivála áigge Pieni juurileipomo, Utsjoen Eränkävijät ja Ohcejoga gievrrat vuvdet borramučča ja kafeabuktagiid.

21.00 Loktafeasta – Rap-musihkka ijahis ija beaivváža vuolde

Stuorra bivnnutvuođa ožžon Loktafeasta-festivála lágiduvvo nuppáš háve Ohcejogas. Loktafeasta lea Ohcejohka Šearrá-festivála joatkkafeasta, mii lágiduvvo Ohcejoga gieddemiellis 5. suoidnemánu 2025. Loktafeasta čohkke ijahis ija beaivváža vuollai Davvi-Suoma garraseamos rap-artisttaid ja dán jagi dáhpáhusas ovdanbuktet J Laitinen & Jouni J, Talonpoika Lalli ja Yungmiqu. Loktafeastta bileahtat 16 €, festiválii ii leat áhkerádji, muhto restoráŋŋa áhkerádji lea 18 jagi.

Artisttat:

J Laitinen & Jouni J

J Laitinen & Jouni J lea časkkuslávlaga ja hiphop-musihka ovttastahtti lotkes párra, gosnu Skandinávia nuortadavi guovlluin. J Laitinen lea buoremusat dovddus balkan- časkkuslávlagis Jaakko Laitinen & Väärä raha –musihkkajoavkkus, ja Jouni J fas Reindeer Kalashnikov –joavkku oaivefiguvran. Jagis 2022 dát guoktá ovttastahtiiga verbálalaš fámuideaskka ja vuođđudeigga duo, man bohtet muitášit lieggasit ja áŋggaštusain vel 2090-logus.

Talonpoika Lalli

Lappiráp-musihka jiellat lávdefánera golaheaddji ja jagi lappilaš dáiddár moadde jagi duohken, Talonpoika Lalli lea bargan ráp-artistta karrieara juo guoktelogi jagi ja lea dál jos goassige gárvvis Loktafeastta lávddi ála. Lalli lea áiddo ráhkadeamen ođđa álbuma, man almmustahttet Sompoka Records –label bokte vel dán jagi. Dan oaččot gal diehtit ahte Talonpoka vuojaša Hiluxiin birra eanadaga!

Yungmiqu

Yungmiqu nappo Mihkku Laiti lea sápmelaš ráp-artista, guhte lea Ohcejogas eret ja gean genrerájiid badjelmanni musihkka lea čuodjan birra davviriikkaid juo jagis 2019. Son ovttastahttá iežas musihkas sihke davi ráp-musihka soundiid ja muhtun elemeanttaid elektronalaš musihkas.

Su karrieara áigge Laiti lea dáhkan musihka ovttas Suoma beakkáneamos sámeartisttaiguin dego Ailu Vallein, Amociin, ja Niillas Holmbergiin.

Laiti lea šaddan stuorát joavkku diđolašvuhtii máŋga TV-ovdanbuktima bokte, ja sus lea dahkkon iežas dokumeantafilbma. Artista váikkuha Suoma lassin maiddái olgorikkain dego Norggas, Ruoŧas, Estteeatnamis ja Fránskas.

Giđđat 2025 Yungmiqu almmustahttá su nuppi álbuma, man namma lea “Chapter”. Álbum gieđahallá artistta vássánáiggi ja boares áiggiid duohkaiguođđima, áibbas dego ođđa logu álggašii. Álbumas leat logi bihttá mat leat Yungmiqu eatnigillii nappo davvisámegillii.

BOAHTINRÁVVAGAT JA EARÁ RÁVVAGAT DÁHPÁHUSGUSSIIDE

Buot Utsjoen Lumo – Ohcejohka šearrá -kulturvahku dáhpáhusat leat nuvttá ja rabas buohkaide, jos dáhpáhusgovvádusas ii nuppeláhkai máinnašuvvo. Amma válddát vuhtii maiddái dan, ahte min dáhpáhusain ja festiválabirrasis ii oaččo geavahit gárrenávdnasiid. Loktafeastta lea dárkkuhuvvon badjel 18 jahkásaččaide ja doppe lea restoráŋŋabálválusat.

Njuorggán:

Diktafestivála ordnejuvvo čujuhusas Pulmankijärventie 1041, 99990 Njuorggán. Biillaid sáhttá parkeret šilljobirrasii. Almmut iežas festiválii ovddalgihtii selja.puolitaival@utsjoki.fi

Gáregasnjárga:

Geassebeaivi Gáregasnjárggas ordnejuvvo lágiduvvo Gáregasnjárgga gilidállu Sáivvu šilljobirrasis (Badjedeanugeaidnu 33a, Gáregasnjárga). Biillaid sáhttá parkeret gilidálu šilljobirrasii.

Ohcejohka:

Mu ráhkis ♥ Ohcejohka -festivála lágiduvvo Ohcejoga gilis Gieddemiellis (Njuorggángeaidnu 1, Ohcejohka). Gieddemiellis lea muhtun veardde parkerensadji biillaid várás. Biillaid sáhttá maid parkeret Ohcejoga gielddadálu parkerenbáikái (Luossa 1a) dahje Ohcejoga searvegottedálu parkerenbáikái (Deanugeaidnu 1).

Govva Ohcejoga parkerenbáikkiin: