Bargofábmobálvalusat: Ráđđehus evttoha láhkanuppástusa, mii váikkuha buot bargoohcciide
5.12.2025
Ráđđehus evttoha nuppástusaid bargofápmobálvalusaid ordnema guoski láhkii ja bargguhisvuođadorvoláhkii. Nuppástusat boađášedje fápmui juo 1.1.2026 rájes. Láhkanuppástusain ulbmilin lea čielggasmahttit bargoohcci bálvalanproseassa ja maid beavttálmahttit barggu ohcama ja bálvalusaide searvama.
Guovddáš nuppástusat:
• Bargoohcan nohká juo vuosttas áššiiddikšuma healbadeami dihte
• Juo vuosttas healbadeapmi bargguhisvuođadorvolága mielde dohkálaš siva haga dagaha 7 beaivvi mearreáiggi, mas ii máksojuvvo buhtadus (kareanssa)
• Juo nubbi healbadeapmi bargguhisvuođalága mielde dohkálaš siva haga doalvu doaisttážii fámolaš geatnegasvuhtii
Nuppástusaid mielde bargofápmobálvalusaid áššehasvuohta nogašii juo, go vuosttas háve healbada áššiiddikšuma. Áššiiddikšuma healbadeapmin dollojuvvo ovdamearkan dat, ahte áššehas ii boađe várrejuvvon deaivvadeapmái dahje doaimmat bivdojuvvon áššebáhpáriid mearreáigái.
Dasa lassin bargoohcci manahivččii iežas rievtti bargguhisvuođaovdui juo vuosttas barggu ohcamii ja bargofápmobálvalusaide laktáseaddji healbadeami dihte.
Ođđa vuogádagas čieža beaivvi kareansa boađášii juo vuosttas healbadeami dihte, dahjege geavatlaččat das, jos ii oza barggu dahje searvva sohppojuvvon bálvalusaide.
Jos healbada ođđasit, áššehassii mearriduvvo guđa vahku bargangeatnegasvuohta.
Bargoohcci bálvalanproseassa geahppudeapmi
Nuppástusa mielde bargoohccái ordnejuvvošii álgojearahallan logi árgabeaivvi siste bargoohcama álgimis. Dálá skoválaš bálvalanproseassa sadjái bargoohccái ordnejuvvošedje dievasmahtti bargoohcanságastallamat su bálvalandárbbu vuođul.
Lága fápmui boahtin
Jos láhkanuppástusat dohkkehuvvojit, dat bohtet fápmui sirdásanáiggi haga 1.1.2026 rájes. Nuppástus bargoohcama nohkamis vuosttas healbadeami dihte ja dan váikkuhusain bargguhisvuođadorvui boađášii fápmui 1.3.2026. Nuppástus váikkuha buohkaide dálá ja ođđa bargoohcciide, geat leat almmuhan iežaset gielddaset barggolašvuođabálvalusaid áššehassan.
Lassedieđut nuppástusain: tem.fi/tyonhakijan-palveluprosessin-ja-tyonvalityspalveluiden-kehittaminen
Ráđđehusa árvalus: www.eduskunta.fi/FI/vaski/HallituksenEsitys/Sivut/HE_108+2025.aspx
Iežas barggolašvuođaáššedovdis sáhttá álo jearrat áššiin, mat bohciidit millii!