Sámi álbmotbeaivi ávvuduvvo miehtá vahku rabas virtuáladiimmuin – boađe mielde!
29.1.2026
Sámegielaid gáiddusoahpahusa pilohttaprošeakta ávvuda 6.2. sámi álbmotbeaivvi, nu ahte lágida juo árbevierrun šaddan virtuála oahppadiimmuid 3.-5.2.2026. Oahppadiimmut leat oktiibuot golbma, okta guđege Suomas hállojuvvon sámegillii – nuortalašgillii, davvisámegillii ja anárašgillii. Dán háve diimmuid temán leat otná beaivvi ámmáhat. Diimmuin galledit doaimmaheaddji-girječálli Sara Kelemeny, Oulu2026 sámekultuvrra koordináhtor Aino Valovirta ja nákkosgirjedutki Martta Alajärvi.
Oahppadiimmut leat oaivvilduvvon sámegielat mánáide ja nuoraide, muhto doarjjagiellan geavahuvvo suomagiella. Diimmuide leat buresboahtán buot mánát, nuorat ja rávesolbmot, geat leat beroštuvvan sámegielain ja sámekultuvrras. Diimmuide sáhttá searvat guđege oahppi iehčanasat dahje olles luohkká oktasaš rusttegiin.
Diimmuid beassá čuovvut go deaddila njuolggo searvanliŋkkaid. Diimmuid čuovvun ii mávsse iige ovddalgihtii almmuheapmi gáibiduvvo. Diimmuin sáhttá maiddái jearrat ja ságastallat chat bokte.
Rabas oahppadiimmuid prográmma
Maŋŋebárga 3.2. dii. 9.00–9.45
Giella: Nuortalašgiella
Guossin doaimmaheaddji-girječálli Sara Kelemeny
Searvanliŋka (Microsoft Teams): https://teams.microsoft.com/meet/38665955283479?p=twFHVS9fcF7NsBokYL
Gaskavahkku 4.2. dii. 9.00–9.45
Giella: Davvisámegiella
Guossin Oulu2026 sámekultuvrra koordináhtor Aino Valovirta
Searvanliŋka (Microsoft Teams): https://teams.microsoft.com/meet/36500101259585?p=wmtjnCqdx9GhPPzgQj
Duorastat 5.2. dii. 9.00–9.45
Giella: Anárašgiella
Guossin nákkosgirjedutki Martta Alajärvi
Searvanliŋka (Microsoft Teams): https://teams.microsoft.com/meet/36525686539871?p=lJbOaNoiEiqLPs121u
Tiõrv pue’ttem! Bures boahtin! Pyeri puáttim! Tervetuloa!
Lassedieđut
Laura Njunnas, prošeaktahoavda
laura.njunnas@edu.utsjoki.fi
040 701 2094
Anne Olli, prošeaktakoordináhtor
anne.olli@samediggi.fi
040 687 5989
Sámi álbmotbeaivi ávvuduvvo juohke jagi guovvamánu 6. beaivve. Ávvudeamit dollojit dalle árbevirolaččat sierra guovlluin Sámis ja dálá áigge maiddái Sámi olggobealde.