Skáhppomuš: Ohcejoga heargecup muohtabargguide

Ohcejoga girkosiiddas lágiduvvo heargecup-oassegilvu 1.-2.3.2025. Gilvu lágiduvvo Máttajárgáttis B&B Pohjantuli gáttis (Hietaniementie 40, 99980 Ohcejohka).

Mii ohcat dál agoartabargi dáhpáhusa muohtabargguide. Agoartabargi bargun lea plovet ođđajagi-guovvamánu áigge s. 1 kilomehtera guhkkosaš bána, mii dahká mohki (bána govdodat molsašuddá 5-8m) Máttajávrri jieŋa ala. Bána ráhkadeapmi sisttisdoallá máŋga muttu: plovema, sirdojuvvon muohttaga liŋgaleami, šalkema ja jiekŋudeami. Jiekŋudeamis bargá veahkkin Ohcejoga eaktodáhtolaš čáskkadangoddi.

Bána lassin dáhpáhusguvlui plovejuvvo guovlu málakámera, teknihka ja áigemihtideami várás ja lassin geahččiidsadji ja parkerenguovlu dáhpáhussii oassálasttiide.

Plovenbargui leat várrejuvvon 4000 € + álv25,5%.

Skáhpponmearrádusa dahkamis váldojuvvojit vuhtii:

• Ohcejoga dálkediliid dovdan
• Heargevuodjingilvvuid logistihka dovdan
• Álgosaš áigeplána plovemii
• Rusttegiid fidnen ja plovema ordnen maiddái johtilis áigeplána mielde
• Ovdun gehččojuvvo maiddái gohcinvejolašvuohta dáhpáhusvahkuloahpa

Fálaldagaid heargecup muohtabargguin bivdit doaimmahit šleađgapoasttain dáhpáhusa buvttadeaddjái čujuhussii emmi.nuorgam@utsjoki.fi. Fálaldaga galgá doaimmahit maŋimustá 30.12. dii. 14.00.

Lassedieđut:

Emmi Nuorgam
Gávcci jagiáiggi dáhpáhusat
emmi.nuorgam@utsjoki.fi
040 723 9455