Stella Caelum Ohcejohka 7.10.2025: Seavdnjatvuohta ii beahte - turismafitnodatdoallige
15.9.2025
Jorgal kárttá nuppe beliid ja geahča máilmmi davvin! Ná mii dahkat Ohcejogas 7.10.2025.
– Mii ordnet vuosttas háve Stella Caelum -dáhpáhusa, mas gieđahallat nástealmmi ihtagiid, guovssahasturismma ja seavdnjada vejolašvuođaid, muitala dilálašvuođa ordnemiin vástideaddji doaibmajođiheaddji Reija Viinanen Davvi-Lappi guovloovttasbargu gieldaovttastumis.
Beaivvi áigge gullat davviguovllu almmi ihtagiin ja nástealmmi, gomuvuođadiehtagiid ja guovssahasturismma áššedovdiid ja ámmátolbmuid jurdagiid boahttevuođa vejolašvuođaid birra sevdnjes áiggi ávkkástallamis ja dan áidnalunddotvuođa vásiheamis. Sevdnjes áigi almmi ihtagiiguin lea fitnodatdoalli luohtehahtti guoibmi, daningo seavdnjat boahtá álo áiggil – leat dálkkádatnuppástusa váikkuhusat davviguovllu turismii muđui makkárat fal.
– Mii movttiidahttit turismafitnodagaid ovddidit ođđa prográmmabálvalusaid ja háliidat ovdanbuktit sevdnjes áiggi ja albmeturismma vejolašvuođaid buvttaovddideamis, deattuha Viinanen.
Dilálašvuohta, mii dollojuvvo Ohcejoga Arctic Resort -hoteallas, lea nuvttá ja eaŋgalasgielat. Beaivvi láide dieđadoaimmaheaddji Jari Mäkinen ja váldosáhkavuoru doallá emeritusprofessor Esko Valtaoja. Eahkeda kulturvásáhusa fállá báikkálaš sámemusihka supernásti Hildá Länsman. Beaivi nohká Moonlight Walking -váccašeapmái mánoheapmin násteofelaččaiguin. Eahkeda prográmma ii ordnejuvvo heajos dálkkis.
Beaivvi ovdanbuktit oanehaččat
Esko Valtaoja, nástediehtaga emeritusprofessor, ovddeš Tuorla observatorio jođiheaddji
Jari Mäkinen, áibmojohtolat- ja gomuvuohtaáššiide vuojulduvvan dieđadoaimmaheaddji.
Esa Turunen, gomuvuohtafysihkkár, Oulu universitehta aeronomiija doseanta ja Soađegili geofysihka observatorio emeritusjođiheaddji.
Olli Reijonen, dáidaga magisttar, dáidaga lisensiáhta ja filosofiija doavttir. Syrjävaara sevdnjes ija suodjaluvvon guovllu vuođđudeaddji, Syrjävaara Good Night Oy beaivválaš jođiheaddji.
Jyrki Manninen, gomuvuohtafysihkkár, Oulu universitehta doseanta ja Soađegili geofysihka observatorio várrejođiheaddji.
Emma Bruus, DI, Soađegili geofysihka obsevatorio dutkankoordináhtor.
Joti Nalluri, Kakslauttasa & Utsjoki Arctic Resort vuovdin- ja márkanastinhoavda.
Dilálašvuođa ordnemiin vástidit Davvi-Lappi guovloovttasbarggu gieldaovttastupmi, GLOW 2.0 -prošeakta ja Soađegilli geofysihka observatorio ja Ohcejoga gielda.
Beaivvi prográmma ja lassedieđut: https://pohjois-lappi.fi/stella-caelum-utsjoki
Lassedieđut
doaibmajođiheaddji Reija Viinanen
0400 423 370
reija.viinanen@sodankyla.fi