ThermiaTalot lea suvdilis čoavddus

ThermiaTalot lea Guossánlaš fitnodat, mii lea doaibman hirsahuksema olis jo badjel 30 jagi. Dárbbu mielde fitnodat lea olles bálvalusa huksejeaddji, muhto dállodoaimmahusa oažžu maiddái guovtti sierralágan dálkkis suodjái -válmmašvuođas.

– Proseassain beassá álgui go váldá oktavuođa midjiide. Mii bargat viiddes kártema ja leat prošeavttas mielde muđuige go dušše dálu doaimmaheamen. Mii bargat ovdamearkan bušeahttarehkenastimiid báŋkku várás, muitala ThermiaTalot beaivválaš jođiheaddji Jukka Mursu.

ThermiaTalot mállet gávdnojit 200 st. Goittotge 99 proseanttas prošeavttain dállomállii dahkkojit rievdadusat áššehasa sávaldagaid mielde.

– Min málliid sáhttá ollásit rievdadaddat. Mii hukset dušše smávva, ThermiaCube -dáluid modulain, maid sáhttá sirdit. Dáluid sáhttá ollásit rievdadaddat, Mursu lohpida.

Dálut huksejuvvojit Guossáma fabrihkas ja golut mearriduvvojit duođalaš goluid mielde. Listohaddi ii rievdadusaide de leat.

– Dajašin, ahte sullii 3000 euroin njealjehasa nammii fidne jierpmálaš dálu, Mursu árvvoštallá.

Suvdilis jurddašeapmi ollá gitta eallingierddu lohppii

ThermiaHirsi ráhkadus lea áidnalunddot. Nana muorraolggožiid gaskkas lea Hunton-muorrasáigosirrejeaddji. Dát dahká 29 sentimehtera assás ThermiaHirsi -hirssas seamma energiijabeaktila go 72 sentimehtera assás muorra lea. ThermiaHirsi fállá hirsaráhkadusa lunddolaš áibmomolsuma ja alladását sisáimmu mearkkašahtti láhkai energiijabeaktilabbot.

– Massiivamuora ektui 100 njealjehasa dálus ThermiaTalo -dálu lea jagis sullii duhát euro hálbbit ligget, jos dáluin leat njuolggo elrávdnjeliggen, Jukka Mursu muitala.

– Min motto lea Gádjut máilmmi huksemiin. Mii eat jurddaš dušše dálu huksema ja das ássama, muhto maiddái dan, go dállu lea muhtumin dan eallingierddu loahpas ja dat burgojuvvo. Min dáluin geavahuvvon muora ja muorrasáiggu sáhttá ođđasitatnit, juogo energiijan dahje muđui, Mursu gávnnaha.

Huksenmuttus muorra geavahuvvo beaktilit. Dimbbarmuoras badjel báhcci oasit geavahuvvojit sirrejeaddjin. Muora geavaheapmi váikkuha maiddái dasa, man ollu dállu čatná ráhkadusaide čitnadioksiida.

Luonddudilit váikkuhit huksemii

Ohcejogas dálkki galgá vuhtiiváldit go pláne iežas ruovttu huksema.

– Hirsabuvtta doallá áiddo lieggasa siskkobealde, govvida Jukka Mursu.

Huksenmearrádusat leat Suomas gokčevaččat, de dat vuhtiiváldet davvi guovllu luonddudiliid jo bures.

– Davvin gánneha smiehttat, heivejitgo huksema treanddat dohko. Ovdamearkan dálut, main eai leat reastalasat, oidnojit dálá áigge ollu, muhto davvi guovllu dálkediliide heivejit guhkes reastalasat ja hárjegáhttu, Mursu gávnnaha.

Nuppástuvvi dálkkádahkii ThermiaTalot leat maid ráhkkanan materiálaválljemiin. Dáluin ii leat lávttasvuođasirren, de áimmu deattanuppástusat eai hehtte. Hirssa siskkobeale materiála Hunton-muorrasáigosirrejeaddji lea gávnnahuvvon iskkademiiguin buorrin Norggas, mii lea beakkán biekkain.

Dálu ortnegis bissumii váikkuha ollu maiddái dan fuolahus ja ortnegisdoallan. Ovdamearkan, reastalasaid gánneha gurret ja dárbbu mielde fuolaheami dihtii málet dálu, Mursu muitala.

– Dálkedilit eai leat dušše hástalusat, son muittuha.

– Guhkes ijahis idja addá vejolašvuođaid, de gánneha jurddašit, man áigge jándoris háliida návddašit beaivvážis terássa alde, ja makkár duovdagiid doppe háliida geahčadit.

Loga lasi

Lassedieđut Thermiadáluin gávnnat čujuhusas https://thermiatalot.fi/.

Artihkal lea almmustahtton Ráhkadusnuppástus koordinašuvdna Ohcejogas -prošeavtta buvttusin.