Váldostivra 9.3.2026: FM Veli-Matti Ruotsalainen válljejuvvui ovddidanhoavdan
11.3.2026
Ohcejoga gielddastivra válljii ovttamielalaččat FM Veli-Matti Ruotsalainen gieldda ovddidanhoavdan. Su bargun lea vástidit ovddidan- ja birasdoaibmasuorggis. Ruotsalainen lea doaibman measta 30 jagi fitnodatdoallin ja fitnodatjođiheaddjin Valmennusmajakka Oy:s. Son lea doaibman maid Ikaalinen gávpoga ovddidanfitnodatsearvvi jođiheaddjin jagiid 2022-2024 sihke Posio gieldda ealáhusdoaimma jođiheaddjin jagiid 2018-2021. Dasa lassin sus lea hárjánupmi doaimmain, mat laktásit fitnodagaid olgoriikkavuovdimii.
Gáregasnjárgga skuvlla nama rievdadeapmi Andaras Kitti skuvlan lea bohciidahttán ollu ságastallama Gáregasnjárgga gilis eaige buohkat nama rievdadeami dohkket. Váldostivra mearridii máhcahit ášši ruovttoluotta válmmaštallamii.
Vuojadanhálla saneremii dárbbašuvvo lassemearreruhta, muhto háhkanproseassa birra leat boahtán ovdan gažaldagat. Gielddaráđđehusa várreságadoalli Mateusz Moilanen ovdanbuvttii loahppaárvalusa, mas váldostivra gáibida čielggadeami sanerenprojeavtta soahpamušaid dilis, lassebargogáibádusain sihke projeavtta válmmaštallanproseassas. Loahppaárvalus dohkkehuvvui ovttamielalaččat.
Ovdal čoahkkima ávvudedje riikkaviidosaččat bálkkašuvvon ohcejohkalaš dáiddáriid. Pro Finlandia -bálkkašuvvon niibe- ja čikŋadáiddár Ilmari Tapiola ja fanasmeašttir Jouni Laiti sihke Ruovttueatnan gielaid guovddáš Kotusa bálkkašan Pekka Sammallahti oassálaste káfestallandilálašvuhtii ovttas váldostivrra áirasiiguin.
Čoahkkima beavdegirji (pdf)
Lassediehtu
Gielddastivrra ságadoalli
Mika Aikio
0400 558 391
mika.aikio@utsjoki.fi
Gielddahoavda
Päivi Kontio
040 744 7630
paivi.kontio@utsjoki.fi