Váldostivra dohkkehii vearroproseanttaid 6.11.2024

Ohcejoga váldostivra dohkkehii boahtte jagi vearroproseanttaid sihke boahto- ja giddodatvearuide gielddaráđđehusa evttohusaid mielde čoahkkimis, bisttii vuollel diimmu 6.11.2024.

Dábálaš boahtovearroproseanta lea boahtte jagi 8,4 ja giddodatvearroproseanttat molsašuddet 0,65 – 2,00. Evttohus boahtovearroproseantta bajideamis ii guottihuvvon.

Giddodatvearroproseantta dáfus váldostivra ságastalai dakkár idjadansadjevisttiid vearuheamis, mat leat guorusin. Deatnogáttis leat ollu giddodagat, mat leat báhcán geavatkeahttá. Giddodagaide sáhttá ohcat luohkásteami lonuheami, jos vearu háliida geahpedit.

Davvi-Lappi guovloovttasbarggu gielddaidovttastumi mannan jagi ruhtadoalloloahpahus, vuođđosoahpamuš ja stivrennjuolggadus dohkkehuvvojedje sáhkavuoruid haga.

Čoahkkináššis áššit diehtun, gielddahoavda Päivi Kontio muitalii bušeahttaárvalusa válmmaštallama ja garra seastindeattu birra. Gielddas geahčadit buot ruhtagoluid ja gielda figgá gávdnat seasttuid earet eará soahpamušaid beaivádemiin. Gielda figgá oažžut lasi boađuid earet eará láigguid dárkkisteami bokte. Gielddas leat maid muddemin doaimmaid jierpmálabbon ja juogadeamen bargguid buot doaibmasurggiin. Lassin gielddas leat ohcamin vugiid, maiguin seasttuid lea vejolaš fidnet bargiváikkuhusaid haga.

Čoahkkima beavdegirji (pdf)

Lassedieđut:

Váldostivrra ságadoalli
Arto Pohjanrinne
040 770 3986
arto.pohjanrinne@utsjoki.fi

Gielddahoavda
Päivi Kontio
040 744 7630
paivi.kontio@utsjoki.fi