Vástit dálkkádatgažadeapmái ja váikkut Ohcejoga gieldda dálkkádatbargui!

Ohcejoga gielda lea ráhkadeamen dálkkádatplána, man ulbmilin lea gávdnat báikkálaččat heivvolaš čovdosiid šaddovistegássaid geahpedeapmái.

Dát gažadeapmi gullá plána válmmaštallamii. Háliidat gullat gielddaolbmuid, astoáiggeássiid ja fitnodagaid oainnuid ja jurdagiid das, mo sáhtášeimmet ovttas ovddidit báikkálaš čovdosiid dálkkádatbargui.

Jearahallamis sáhtát árvvoštallat dálkkádatplána álgomuttu doaibmabijuid ja evttohit iežat ideaid. Gažadeapmái vástideapmi bistá sullii 5 minuvtta. Vástádusat gieđahallojit namaheapmin, ja dat adnojit dálkkádatplána ráhkadeamis.

Vástit gažadeapmái maŋimustá 5.12.2025. Beasat vástidit gažadeapmái dákko: https://link.webropolsurveys.com/S/BFD66AC2F2238DA0

Gažadeapmái vástidan olbmuin lea vejolašvuohta searvat vuorbádeapmái, mas vuorbáduvvojit 3 st 40 € skeaŋkakoarttat, maid sáhttá geavahit báikkálaš fitnodagain.

Dát gažadanskovvi  gullá oahppočájánassii, mas ráhkaduvvo Ohcejoga gieldda dálkkádatplána. Gažadeapmái vástiduvvo namaheapmin iige ovttaskas olbmo vástádusaid sáhte dovdát čoggojuvvon materiálas. Gažadeami diehtosuodjái sáhttá oahpásmuvvat dán liŋkka bokte.

Oahppočájánas dahkko Karelia ámmátallaskuvla Master of Engineering, Sustainability management Yamk-skuvlenprográmma oassin.

Lassedieđuid gažadeamis addá Paula Heikkilä: paula.heikkila@edu.karelia.fi, 040 724 0882 & Tanja Lepistö tanja.lepisto@utsjoki.fi, 0400 151 294