VS 17.12.2025: Ohcejoga váldostivra dohkkehii vuollebázat bušeahta boahtte jahkái

Ohcejoga váldostivra čoahkkanii jagi maŋimuš čoahkkimii 17.12.

Čoahkkimis gieđahalle boahtte jagi bušeahta ja moatti čuovvovaš jagi ekonomiijaplána. Gielddaráđđehusa ságadoalli Vuokko Tieva-Niittyvuopio doalai sáhkavuoru, mas son geardduhii bušeahta válmmaštallama ja gieldda váttes ruhtadili ekonomiijahástalusaid siste.  Su mielde bušeahta ii leat dušše nummárat, muhto dat lea maiddái árvoválljemat, makkárin Ohcejoga háliidit doallat ja makkárin ovdánahttit. Gieldda bargit ožžo giitosa losses válmmaštallanbarggus, go seasttuid lea galgan ohcat miehtá čavčča. Gielddaráđđehusa ságadoalli muittuhii, ahte buresveaddji bargoveahka lea gieldda buoremus nákca, iige ekonomiija beavttálmahttin oaččo leat bargiide menddo lossat.

Bušeahta manne čađa doaibmasurggiid mielde. Čuvgehussuorgi lea euromearis stuorámus ja buresveadjinhoavda Pirjo Seurujärvi gávnnahii, ahte doaibmasuorggi bušeahta ii sáhte šat čavget. Bušeahta ja ekonomiijaplána dohkkehuvvojedje evttohusa mielde. Vuollebáza árvaluvvo leat jagi 2026 lea sullii 245 000 euro.

Gieldda hálddahusnjuolggadusa beaivideapmi, luohttámušolbmuid bálkánjuolggadus ja bargiidráva dohkkehuvvojedje. Maiddái Davvi-Lappi guovloovttasbarggu gielddaidovttastumi vuođđosoahpamuš ja stivrenráva dohkkehuvvojedje njuolga.

Lassemearreruhtaevttohusat dohkkehuvvojedje. Lassemearreruhta dárbbašuvvo earret eará sajiid dárkkisteapmái, mat leat Lapha geavahusas.

Čoahkkima lohppii Päivi Kontio giittii vássán jagis sihke mearrideaddjiid ja gieldda bargiid. Fuolakeahttá seastindárbbuin ja oktasašdoaibmameannudeamis, ovttasbargu lea doaibmán bures. Jahkedoajáldagas eallinfápmohoavdda virggi guođđi Tanja Lepistö giite barggus, man son lea gielddas bargan.

Čoahkkima beavdegirji (pdf)

Lassedieđut

Váldostivrra ságadoalli
Mika Aikio
0400 558 391
mika.aikio@utsjoki.fi

Gielddahoavda
Päivi Kontio
040 744 7630
paivi.kontio@utsjoki.fi