Ohcejoga luossaguovddáža joatkkaplánenprojeavttas jotket Ohcejoga Luossaguovddáža ovdačielggadanprojeavttas (2023–2024) dahkkon vuođđobarggu. Luossaguovddáš lea oaivvilduvvon johkasápmelaš bivdoárbevieru, kultuvrra ja dasa laktáseaddji ealáhusaid dorvvasteaddjin sihke turismma, dutkamuša ja báikkálaš eallinvuoimmi nannejeaddji doaibmin.
Ovdačielggadeapmi čájehii Luossaguovddážii čielga dárbbu ja nana báikkálaš doarjaga. Joatkkaprojeavttas lea deaddu projektii čatnasan oamastanvuođu kártemis ja nannemis, organisašuvdna- ja ruhtadanmálle válljemis sihke muttuide juhkkon huksema váldoproseassaid ja kapasitehta plánemis. Dan lassin ovddiduvvo oamastanvuođu ovddasteaddjiiguin doaimma ja sisdoaluid plánen sihke materiálaid ovdan bidjan gaskaboddosaččat. Projeavttain sihkkarasto, ahte Luossaguovddáža plánen ovdána dohko guvlui ahte huksen ollašuvvá.
Projeakta čađahuvvo 27.1.2026 – 30.6.2027 ja das bargá projeaktahoavda 20 % bargoáiggiin. Projeavtta ollesbušeahtta lea 122 500 euro. Projeavtta ruhtada Lappi lihttu (AKKE).Lappi lihtu (Lapin liitto) ruhtadeapmi lea 100 %.
Oktavuođadieđut
Riikka Keskiaho
Prošeaktahoavda
+358 40 544 2058
riikka.keskiaho@utsjoki.fi