Ohcejoga gieldda turismaealáhus lea deaividan mearkkašahtti hástalusaid Atlántta luosa bivdogildosa ja turisttaid áššehasjoavkku nuppástusaid geažil. Árbevirolaččat turismaguollebivdui vuođđuduvvan guovllu lea vealtameahttun dahkat bálvalusfálu máŋggabealagin ja lasihit riikkaidgaskasaš geasuhahttivuođa. Ovddit ovddidanprojeavttain leat gávnnahuvvon Ohcejoga turismma ovddidandárbbut, ja gielda lea meroštallan dan strategalaš mihttomearrin turismma dássedettolaš lasiheami. Erenomážit guovllu digitála ja fysalaš doaibmabirrasa ovddidemiin sáhttá buoridit fitnodagaid gilvonávcca ja vejolašvuođaid šaddat riikkaidgaskasažžan.

Projeavtta vehkiin Ohcejoga turismafitnodagaid válmmašvuođat doaibmat riikkaidgaskasaš márkaniin buorránit, turisttaid áššehasbálggis šaddá njuovžilin ja guovllu dovddusvuohta lassána. Digitála čovdosiid ovddideapmi doarju turismabálvalusaid olahahttivuođa ja oainnusvuođa, ja fysalaš doaibmabirrasa buorádusat lasihit turismma dorvvolašvuođa ja easttahisvuođa.

Lassin riikkaidgaskasaš áššehasgaskavuođaid ja oktasašbargofierpmádagaid nanosmuvvan doarju turismma lassáneami ja suvdilis ovdáneami. Projeakta maid buorida báikkálaš fitnodagaid ovdánanvejolašvuođaid ja ceavzinnávcca doarjumiin daid boahtogálduid máŋggabealatvuođa bálvalusaid ovddidemiin ja návcca vuogáiduvvat rievdilis márkandiliide. Projeakta doarju Ohcejoga gieldda strategalaš ulbmila ovddidit turismma suvdilit ja mearrediđolaččat sihke nannet guovllu ealáhuseallima gilvonávcca guhkes áigodagas.

Projeakta čađahuvvo 1.1.2026 – ­31.12.2027 ja das barget projeaktahoavda 100 % bargoáiggiin, gulahallankoordináhtor 50 % bargoáiggiin ja projeaktakoordináhtor 20 % bargoáiggiin. Projeavtta ruhtada Eurohpa guovloovddidanfoanda (EAKR). Projeavtta ollesbušeahtta lea 306 628 euro. Eurohpá guovlluidovddidanfoandda ruhtadeapmi lea 80,00%, 245 302 €. Iešruhtadanoassi projeavttas lea 20%, 61 326 €.