Ohcejoga gieldda virggálaš gielat leat davvisámegiella ja suomagiella, ja sápmelaččaid oassi gielddaolbmuin lea stuorát go eará gielddain Suomas.  Sámegiella gullo beaivválaččat miehtá gili, ja giella lea lunddolaš oassi árgabeaieallimis.

Gielda ordne bargiidasas davvisámegiela skuvlejumi. Gielda juohká bargiide dieđu kurssaid birra iežas Intras.

Sámegielaid ja kultuvrra sáhttá lohkat maiddái Sámi oahpahusguovddážis. Fállun leat sihke lagaš- ja gáiddusskuvlejumit.