Sámi oahpahusguovddáš (SAKK) lea nuppi dási oahppolágádus, mas lea dehálaš rolla sámeguovllu ovddideamis. Dat ordne máŋgga suorggi ámmátlaš skuvlejumi sihke nuoraide ja ollesolbmuide. Sámi oahpahusguovddáš, mii doaibmá Anáris, lea áidna ámmátlaš oahppolágádus, mii ordne skuvlejumi sámegielain ja -kultuvrras.

Ohcejoga logahaga duppal- ja golmmageardásaš dutkosa čađahanvejolašvuohta lea ordnejuvvon ovttasbarggus earret eará Sámi oahpahusguovddážiin.

Sámi oahpahusguovddáža skuvlenfálaldagas gávdnojit skuvlejumit sámegielain ja kultuvrras, sámedujiin, boazodoalus, luondo- ja birassuorggis, turismmas, sosiála- ja dearvvasvuođasuorggis, mediasuorggis, restoráŋŋasuorggis ja ealáhusdoaimmas. Dasa lassin oahppolágádus ordne maiddái iešguđetlágan oanehisskuvlejumiid.