uDigi -prošeavtta loahpahanseminára ja borgemánu Fitnodatforum
Fitnodatbálvalusat doarjjan fitnodatdoallái
- Áigi: 30.8.2023
- Báiki: Hotel Utsjoki dmu 13-15.30
- Almmuheapmi:
Almmuheamit ovdal be 25.8. dii 14 uDigi-prošeavtta prošeaktahovdii Johanna Mikkolai (johanna.mikkola@utsjoki.fi), amma muittát máinnašit maiddái sierraborramušdárbbuidat.
Ohcejoga fitnodatdoallit ja geat dakkárin leat áigumin, buresboahtin čavčča vuosttas Fitnodatforumii, mii lea seammás maiddái uDigi-prošeavtta loahpahanseminára. Dilálašvuođa temán lea Fitnodatbálvalusat doarjjan fitnodatdoallái. Temá birra boahtá hállat áššedovdiguossi, Lapin yrittäjät fitnodatjođiheaddji Ella-Noora Kauppinen. Ella-Noora muitala searvvi doaimmas ja bálvalusain ja movttiidahttá oasseváldiid ságastallat fitnodatdoalli geahččanguovllus das, mo fitnodatbálvalusaid fálaldagat juvssašedje sin buoremusat.
Dilálašvuođa nuppi oasis Kasvun Kaverit Oy:n fitnodatjođiheaddji Johannes Vallivaara muitala ohcejohkalaččaide, makkár fitnodatbálvalusat ja eará doarjja fitnodatdoaimma ovdánahttimii gávdnojit ja gos daid sáhttá gávdnat. Dilálašvuođas loahpas gullat prošeavttaid dearvvuođaid fitnodatdoalliide.
Dilálašvuođas guossohit nuvttá mállása dii 12 rájes sidjiide, geat leat almmuhan iežaset ovddalgihtii.
Prográmma dii 13 rájes:
• Dilálašvuođa rahpan
• Fitnodatdoalliid dárbbut, doaivagat ja rávvagat:
Ella-Noora Kauppinen, fitnodatjođiheaddji, Lapin yrittäjät
• Ságastallan
• Fitnodatrávvenbálvalusat ohcejohkalaš fitnodatdoalliide:
Johannes Vallivaara, fitnodatdoalli, Kasvun Kaverit Oy
• Ságastallan
• Prošeavttaid dearvvuođat fitnodatdoalliide:
Johanna Mikkola, prošeaktahoavda, uDigi – Ohcejoga digitála eallifápmu -prošeakta
Antti Kastinen, prošeaktahoavda, uYritys – Ohcejoga eallinfámolaš fitnodagat ja bargit -prošeakta
Buresboahtin!
