Nuoraidbargoseđel

Ohcejoga gielda doarju nuoraid bargguiduvvama maiddái jagi 2023. Gielda mieđiha nuoraidbargoseđela buot 2004–2008 riegádan skuvlalaččaide ja oahppiide, geat leat merkejuvvon Ohcejoga gieldda ássin.

NUORAIDBARGOSEĐEL 2023

Nuoraidbargoseđela árvu lea 330 euro ja seđel ohccojuvvo ohcanskoviin. Sáhtát luđet skovi iežat dihtorii dahje viežžat dan gielddadálu guovddášdoaimmahagas dahje oktasašbálvalusas. Nuorra sáhttá
oažžut ovtta seđela jagi 2023 áigge, iige dan sáhte sirdit earáide.

Nuoraidbargoseđel lea fámus jagi 2023 loahpa rádjai, seđelohcamušaid dán jahkái galgá doaimmahit maŋimustá 1.10.2023 rádjai.

Ohcamušat máhcahuvvojit jogo poastta bokte:

Utsjoen kunta
Elinkeinotoimi, nuorisotyöseteli
99980 Utsjoki

dahje šleađgapoasttain (poastta bajilčálusin “nuorisotyöseteli”):

juhan.lansman@utsjoki.fi

Nuoraidbargoseđela ohcci nuoras galgá leat skovi deavddedettiin juo diehtu boahttevaš bargosajistis, nappo skovi ii sáhte máhcahit almmá bargosaji fálli bargoaddi dieđuid.

Bargosadji sáhttá leat searvvis, fitnodagas, Ohcejoga gielddas dahje dállodoalus ruovttu olggobealde (ii nappo iežas ruoktu dahje lagašfuolki). Bargosadji sáhttá leat maiddái bearašfitnodagas (earet bearraša ruovttubarggut). Bargosadji galgá leat Ohcejoga gieldda guovllus.

Bargogaskavuohta galgá bistit uhcimustá golbma vahku (30 d/vku) ja bálká galgá mearrašuvvat suorggi bargoeaktosoahpamuša mielde. Bálká sisttisdoallá luopmobuhtadusa. Bargoaddái šaddet nuorra bargi bálkáheamis maiddái iežas golut (doarjaga meari badjelmanni oassi bálkkás ja bálkká siidogolut).

Mieđihuvvon nuoraidbargoseđel doaimmahuvvo poastta mielde ohcanáiggi maŋŋá ohcciide ja nuorra bargi luohpada seđela bargoaddái maŋimustá dalle, go bargogaskavuohta álgá. Nuoraidbargoseđela vástideaddji submi máksojuvvo bargoaddiide maŋálgihtii rehkega vuostá.

Nuorra, doaimma ná:

  • Don galggat leat 2004–2008 riegádan skuvlalaš dahje oahppi ja galggat leat maiddái merkejuvvon Ohcejoga gieldda ássin.
  • Oza bargosaji alccet ja muital, ahte dus lea vejolašvuohta oažžut nuoraidbargoseđela Ohcejoga gielddas.
  • Go leat gávdnan bargosaji, de daga nuoraidbargoseđelohcamuša Ohcejoga gildii.
  • Daga bargosoahpamuša ja doaimmat nuoraidbargoseđela bargoaddái

Ohcanskovi gávnnat dáppe.

FITNODATDOALLI, DOAIMMA NÁ:

  • Soaba nuorain bálkkás ovdal barggu álggaheami. Bruttobálká galgá leat bargoeaktosoahpamuša mielde. Muitte maiddái soahpat luomuid ja vahkkoloahppabarggu buhttemis.
  • Daga nuorain bargosoahpamuša, mas bohtet ovdan barggu álgin- ja nohkanbeaivi, diibmomearri ja barggut.
  • Go bargu lea nohkan, mávsse nurrii bálkká dalán. Muittáthan maiddái čállit nurrii bargoduođaštusa barggus.
  • Merke dahkkon diimmuid meari ja bargogaskavuođa bistináiggi ruhtačilgehusa ovdasiidui.
  • Go leat máksán nurrii bálkká, máhcat Ohcejoga gildii:
    • nuoraidbargoseđela ruhtačilgehus
    • originála devdojuvvon nuoraidbargoseđel
    • vuolláičállon bargosoahpamuš
    • virggálaš duođuš bálkámáksimis, mas bohtet ovdan nuora namma, persovdnadovddaldat, bruttobálká ja das vejolaččat dahkkon geahpádusat (omd. bálkká siidogolut ja vearuhus). Sáhtát geavahit omd. Palkka.fi-siiddu bálkká máksimii ja printet bálkárehkega čálihemiin iežat bálvalussii. Bálkámáksinduođušin eai dohkke iešdahkkon guittet eaige gihtiimáksinguittet.

Ruhtačilgehusskovi gávnnat dáppe.

Mii máksit 330 euro nuoraidbargoseđeldoarjaga máhcahuvvon dokumeanttaid vuođul. Nuoraidbargoseđela ruhtačilgehus ja čuvvosat galget máhcahuvvot 31.12.2023 rádjai poastta dahje šleađgapoastta bokte:

Utsjoen kunta
Elinkeinotoimi, nuorisotyöseteli
99980 Utsjoki

juhan.lansman@utsjoki.fi

Válddáthan vuhtii maiddái, ahte nuoraidbargoseđelbuhtadus ii máksojuvvo, jos bargái ii leat máksojuvvon bálká eavttuid mielde, dokumeanttat leat váilevaččat dahje dat eai leat máhcahuvvon áiggil.

OKTAVUOĐADIEĐUT

Nuoraidbargoseđelis addá lassedieđuid:

Ealáhusčálli/Bálvalusrávvejeaddji
Juhán Länsman
040 718 9494
juhan.lansman@utsjoki.fi