Guolástanturismii laktáseaddji máhtu ovddideapmi Ohcejogas
Fidnu mihttomearrin lea Deanuleagi guolástanealáhusa dorvvasteapmi nu ahte ođđa bálvalusat ja dienasvejolašvuođat ovddiduvvojit oassin ruoná sirdáseami doaibmanuppástusa. Fidnuin sihkkarastojuvvo ahte guvllolaš máhtu ja báikkálaš fitnodagaid válmmašvuođat viidáseappot ovddiduvvojit ja nannejuvvojit nuppástuvvan turismadoaibmanbirrasis.
Fidnu áigge fitnodagat oassálastet buvttaovddidanbargui man boađusin Ohcejoga gildii oažžut ođđa gilvonávccalaš guolástanturismabálvalusaid, mat leat dahkkon riikkaidgaskasaš áššehasaid várás. Fidnuin ovddiduvvojit maiddái turismma lassibálvalusat mat ávkkástallet guolleealáhusain ja dorjot lagasborramuša ávkinatnima ja buvttaráhkadandási lasiheami. Fidnuin nannejuvvojit Deanuleagi luossasuhkama guolástanturismaealáhusa vuogáiduvvan ja bajásdoallan nuppástuvvan doaibmanbirrasis ođasmahttojuvvon bálvalanmálliin.
Ulbmilin lea ovddidit guolásteapmái ja turismii laktáseaddji gilvonávccalaš bálvalanbuktagiid riikkaidgaskasaš áššehasaide, nannet ja ovddidit máhttodási vástidit dálá márkaniid gáibidandási ja ovddidit guovllu guolástan- ja turismabálvalusaid digitála olahahttivuođa.
Fidnuin doarjut luossabivdoealáhusas doaibmi fitnodagaid dahkat ođđa máhtuin guolástanturismma iešguđetlágan gilvonávccalaš bálvalanbuktagiid oassin Ohcejoga ollislaš turismma ovddideami. Fitnodagaid ovttasbarggu ja ođđa máhtu boađusin fidnus ráhkaduvvo ođđa gilvonávccalaš bálvalanmálle mii vuođđuduvvá guolástanturismma iešguđetlágan bálvalanbuktagiidda.
Projeavtta ruhtadeapmi ja ollašuhttináigi
Projeakta ollašuhtto 1.4.2024 – 31.3.2026 áigge. Projeavtta ollesbušeahtta lea 362 770 euro, ja dan lea juolludan ELY guovddáš.
Dieđáhusat
Oktavuođadieđut
Antti Kastinen
Prošeaktahoavda
+358 40 516 7032
antti.kastinen@utsjoki.fi
Elias Teriö
Áššedovdi
+358 50 401 4474
elias.terio@utsjoki.fi
Taru Lindell
Prošeaktakoordináhtor
+358 40 154 3649
taru.lindell@utsjoki.fi