Jearahallan badjeolbmuide

Hei ohcejohkalaš badjeolmmoš,

Dát jearahallan lea oaivvilduvvon badjeolbmuide geain livččii beroštupmi ovddidit iežaset fitnodatdoaimma, dahje ovddidit ealáhusa ovttas. Jearahallama ulbmilin lea kártet fitnodatolbmuid dárbbuid, ja dan vuođul sáhttit ordnet dilálašvuođaid, skuvlejumiid, oahpásmuvvanmátkkiid dahje plánet ovddidandárbbuid.

Leader Davimus Lappi rs sáhttá mieđihit doarjaga fitnodaga ovddideapmái dahje investeremiidda (mašiinnat- rusttegat dahje huksen), ovttas ovddideapmái ja skuvlejumiide.
Ohcejoga gieldda MountResilience prošeakta sáhttá ordnet badjeolbmuide dilálašvuođa, mas oahpistuvvo mo ráhkkanit dálkkádatrievdama vuogáiduvvamii.

Jearahallama leat válmmaštallan Ohcejoga gieldda MountResilience-prošeakta ja Leader Davimus Lappi rs.
Vástádusat leat luhtolaččat ja ovttaskas vástádusat gieđahallojuvvojit diehtosuoji vuolde.
Jearahallamii sáhttá vástidit anonyman, dahje don sáhtát guođđit iežat oktavuohtadieđuid jearahallama loahpas.

Jearahallan lea suomagillii, ja vástideapmái manná áigi sullii 5-10 minuhta.

Vástidathan 5.5. rádjai!

Liŋka jearahallamii: https://link.webropol.com/s/porotalous

Lassedieđuid:

Ealáhuskoordináhtor/prošeaktahoavda

Taru Lindell

Puh. 040 154 3649

taru.lindell@utsjoki.fi